Koronavırýs • 13 Maýsym, 2020

Sımptomsyz tasymaldaýshylar SARS-CoV-2 vırýsyn juqtyrýy múmkin

574 ret kórsetildi

Sımptomsyz tasymaldaýshy (asımptomatıkalyq tasymaldaýshy) — juqpaly aýrýdy juqtyrǵan, biraq uzaq ýaqyt bul aýrýdyń belgileri bilinbeıtin adam. Naýqas bolmasa da, mundaı tasymaldaýshy ınfeksııany basqalarǵa juqtyra alady.

DDSU tótenshe aýrýlar bólimshesiniń tehnıkalyq tobynyń basshysy Marııa Van Kerkhovtyń aıtýynsha:

Keıbir baǵalaýlar boıynsha, halyqtyń 6% - 41% dıapazonynda ortasha eseppen 16% -ǵa jýyq sımptomsyz ınfeksııa juqtyrýy múmkin. Biraq biz keıbir sımptomsyz jáne keıbir sımptomdary bar adamdar vırýs juqtyra alatynyn bilemiz.

Vırýs juqtyrǵan adam jótelgende, túshkirgende nemese sóıleskende murnynan nemese aýzynan bólinetin usaq tamshylar arqyly COVID-19 juǵýy múmkin.

Aýrýdyń ınkýbasııalyq kezeńi alǵashqy sımptomdary paıda bolǵanǵa deıin ortasha eseppen 5 kúnge sozylady.

Aýrý juqtyrǵan adam alǵashqy sımptomdary paıda bolǵanǵa deıin 2 kún buryn, ıaǵnı sımptomy kesh bilingen kezde jáne sımptomdary paıda bolǵannan keıin 7 kún ishinde ınfeksııa kózi retinde aınalasyndaǵylarǵa qaýip tóndiredi.

Qazaqstanda SARS-CoV-2-ge PTR testi oń nátıje kórsetken adamdarǵa medısınalyq baqylaý júrgizý olardyń edáýir bóliginde aýrýdyń belgileri bolmaǵanyn kórsetti.

"SARS-CoV-2" vırýsy anyqtalǵan, biraq aýrýdyń belgileri bilinbeıtin adamdardy asımptomatıkalyq pasıentter nemese sımptomsyz tasymaldaýshylar dep ataıdy. Kóbinese bul sanattaǵy adamdar halyqtyń belgili bir toptaryna skrınıng júrgizý kezinde anyqtalady.

Qazaqstanda COVID-19 sımptomy joq SARS-CoV-2-ge testi oń nátıje kórsetken adamdar qashyqtan medısınalyq baqylaýda bolyp, 14 kúnge úıde oqshaýlanady. Sımptomdary paıda bolǵan jaǵdaıda juqpaly aýrýlar stasıonaryna emdelýge jatqyzylady.

Sońǵy jańalyqtar

Uqsas jańalyqtar