28 jastaǵy boksshymyz sharshy alańǵa 16-maýsym kúni shyǵady. Bul boks keshin áıgili Top Rank kompanııasy Las-Vegas qalasyndaǵy (Nevada shtaty, AQSh) MGM Grand qonaq úıinde ótkizedi.
BoxRec málimeti boıynsha, qazaqstandyq boksshynyń qarsylasy 26 jastaǵy amerıkalyq Kemeron Krael (17-15-3, 4 KO) bolady. Jekpe-jek segiz raýndqa josparlanyp otyr.
Momynov óziniń sońǵy kezdesýin 2019 jyldyń 23-mamyrynda Kosta-Mesa (Kalıfornııa shtaty, AQSh) ótkizip, tóreshilerdiń sheshimi boıynsha Djonatan Stıldy (9-3-1, 6 KO) jeńgen edi.
Aıta keteıik, otandasymyz 2017 jyly Saýl "Kanelo" Alvarestiń (51-1-2, 35 KO) sparrıng qarsylasy bolǵan edi. Ol kezde meksıkalyq ataqty boksshy Gennadıı Golovkınge (38-1-1, 34 KO) qarsy ótkizetin kezdesýge daıyndalyp jatqan.
