Sot málimetine sáıkes, oqıǵa 2025 jylǵy 5 shildede meıramhanalardyń biriniń artqy aýlasynda bolǵan. Ábetaev Noǵaevtan nege telefon qońyraýlaryna jaýap bermegenin suraǵan. Noǵaev telefony istemeı qalǵanyn aıtqan.
«Keıin Ábetaev ony soqqyǵa jyqqan. Sondaı-aq birneshe ret basynan jáne betinen urǵan. Jábirlenýshi shetke taısaqtaǵanymen, shabýylshy soqqysyn toqtatpaǵan. Olar kólikter arasyndaǵy aralyqqa túskende Ábetaev Noǵaevqa qaıta soqqy jasap, odan keıin qylǵyndyrý tásilin qoldanǵan», delingen sot materıaldarynda.
Shabýyl nátıjesinde jábirlenýshi jeńil dene jaraqatyn alǵan. Sot Ábetaevqa bir jylǵa deıin bostandyǵyn shekteý jazasyn taǵaıyndady.
Sondaı-aq sot Ishki ister mınıstrine qatysty jeke eskertý shyǵardy. Qujatta polısııa qyzmetkeriniń áreketi quqyq qorǵaý organdarynyń bedelin túsirgeni atap ótilgen.
Sottyń qorytyndy málimetinde:
«Ábetaev quqyq qorǵaý organy qyzmetkeri ekenin jaqsy bile otyryp, sanaly túrde áreket etken jáne osylaısha IIM-niń bedelin jáne memlekettik bılik ınstıtýtynyń abyroıyn túsirgen», delingen.
Eske sala keteıik, bokstan eki dúrkin álem chempıony, London Olımpıadasynyń chempıony Serik Sápıev óziniń orynbasary Dáýren Esimhanovpen janjaldasyp qalyp, keıin olar qyzmetinen ketken edi.
