Altaı Kólginov: Otbasylyq jıyndar men qonaqqa barýdan bas tartý kerek

"Covid-19 ınfeksııasyn juqtyrǵandar úshin qosymsha 400 provızorlyq oryn ashyldy. Onyń ishinde, stasıonarlar bazasynda ınfarkt, ınsýlt, qant dıabeti bar (KVI-ǵa kúdigi bar) adamdarǵa arnalǵan jeke oryndar anyqtaldy. Buǵan deıin pnevmonııa men ORVI bar emdelýshiler úshin jeke korpýstar ashylǵan bolatyn. Olardy koronavırýske qosymsha tekseredi. Bul ınfeksııany erterek anyqtaýǵa múmkindik berdi", dedi A.Kólginov.

Onyń aıtýynsha, qalalyq jáne jeke menshik emhanalardyń bas dárigerlerimen, stasıonarlardyń, taldaý-ortalyqtarynyń basshylarymen jáne qalanyń bas sanıtarlyq dárigerimen onlaın-kezdesýden keıin koronavırýstyń sımptomsyz tasymaldaýshylaryn emdeý úshin telemedısınaǵa kóshý týraly sheshim qabyldandy.

"Medısına qyzmetkerleri beıneqońyraýlar jáne basqa da baılanys arnalary arqyly turǵyndardyń densaýlyq jaǵdaıyn qadaǵalaıdy, koronavırýstyń sımptomsyz tasymaldaýshylaryna barlyq máseleler boıynsha keńes beredi. Naýqastarda sımptomdar paıda bolǵan jaǵdaıda olar aýrýhanaǵa jatqyzylady. Shetelden ushyp kelgen áýejolaýshylardy oqshaýlaý tájirıbesi jalǵasady. "Ramada Plaza" qonaq úıinde medstasıonarǵa jabdyqtalǵan nómirler daıyndaldy. Esterińizge sala keteıik, 22 naýryzdan bastap qalaǵa kirý jáne shyǵý jabyldy, qalalyq shtab barlyq áýejolaýshylaryn tekserý týraly sheshim qabyldady. Bul qalaǵa ınfeksııa juqtyrǵandardy jibermeýge múmkindik berdi", dedi elorda ákimi.

Sondaı-aq, birqatar uıym qashyqtan jumys isteý rejımine kóshýi qajet ekenin atap ótti.

"Qyzmeti ruqsat etilgen uıymdar sanıtarlyq-epıdemıologııalyq normalardyń qatań saqtalýyn baqylaýy kerek. Covid-19 juqtyrǵandardyń jartysy ártúrli ujymdar. Kún saıyn ákimdiktiń mobıldi toby polısııa qyzmetkerlerimen, sanıtarlyq dárigerlermen, volonterlermen birlesip reıdter júrgizip jatyr. Tártipbuzýshylyq bolǵan jaǵdaıda nysandar jabylady", dedi A.Kólginov.

Qala turǵyndary sanıtarlyq normalardy qatań saqtaýy qajet. Maska kıip (ásirese adamdar kóp jınalatyn jerlerde), múmkindiginshe adam kóp jınalatyn oryndarǵa barmaı, antıseptık paıdalanyp, áleýmettik qashyqtyq saqtaǵan jón.

"Otbasylyq jıyndar men qonaqqa barýdan, úlken toppen jınalýdan bas tartý qajet. Saqtyq sharalaryn saqtaı otyryp, siz ózińizdi jáne jaqyndaryńyzdy qaýipsiz ete alasyz. Qalada otbasylyq oshaqtar tirkelip otyr, ıaǵnı bir otbasynyń barlyq músheleri indetti juqtyrǵan. Qalada (adamdar kóp jınalatyn jerlerde) ınfeksııanyń taralýyna jol bermeý maqsatynda turaqty túrde dezınfeksııalyq jumystar júrgizemiz. Budan basqa, emhanalar men aýrýhanalar aýmaǵynda dezınfeksııalyq tonnelder men teplovızorlardyń sanyn kóbeıtemiz", dedi A.Kólginov.

Dárigerlerdiń aıtýynsha, koronavırýs anyqtalǵan naýqastardyń jaǵdaıy óte aýyr.

"О́kinishke qaraı, turǵyndar medısına qyzmetkerleri aıtyp jatqan erejelerdi saqtamaıdy, ózin-ózi emdeýmen aınalysyp, medısınalyq kómekke der kezinde júginbeıdi. Covid-19 ózdigimen emdeýge bolmaıdy, indet óte qaýipti. Sanıtarııa normalaryn saqtamaý qatań karantın rejımine oralýǵa ákelýi múmkin", dedi A.Kólginov.