Is-shara barysynda Respýblıka dańǵyly boıynda jeńgetaılyqpen aınalysatyn eki áıel adam jeńil júristi qyzdardyń qyzmetin er adamdarǵa udaıy usynyp, olardy Aıbergenov kóshesi №7a úıdiń 12 páterde bolǵan jezókshelikpen aınalysatyn tórt qyzben kezdestirgeni anyqtaldy.
Atalǵan jaıt boıynsha QR Qylmystyq kodeksiniń 309-baby 1-bóligimen (jezókshelikpen aınalysýǵa arnalǵan prıtondar uıymdastyrý nemese olardy ustaý, sol sııaqty paıdakúnemdik maqsattaǵy jeńgetaılyq) sotqa deıingi tergep-tekserý amaldary bastaldy.
Bir jeńgetaı jáne tórt jeńil júristi qyzdar polısııaǵa jetkizilip, tirkeýge alyndy. Ekinshi jeńgetaıdyń jeke basyn anyqtaýǵa jáne ony ustaýǵa baǵyttalǵan jedel izdestirý is-sharalary polısııa tarapynan júrgizilip jatyr.
Jyl basynan qala aýmaǵynda polısııa qyzmetkerlerimen osyǵan uqsas qylmystyń 12 jaıty anyqtalǵan. Olardyń jeti monshada, úsh massaj salonynda jáne eki jaldamaly páterlerde oryn alǵan. Bul baǵyttaǵy jumys óz jalǵasyn tabatyn bolady.
