Koronavırýs • 15 Maýsym, 2020

Sımptomsyz naýqastar: Úı karantıninde jatqan adamǵa arnalǵan nusqaýlyq

385 ret kórsetildi

Dárigerler COVID-19 sımptomsyz túri bar naýqastarǵa jáne otbasy múshelerine karantındi qalaı durys saqtaý keregin aıtty, - dep jazady Egemen.kz

Koronavırýstyq ınfeksııanyń sımptomsyz túri bar naýqas ambýlatorııalyq negizde medısınalyq baqylaýdan ótip, úıde oqshaýlanýy kerek. Densaýlyq saqtaý basqarmasymen COVID-19 bar naýqastarǵa arnalǵan tıisti paraqshalar taratyldy.

Úı karantınindegiler kelesi erejelerdi saqtaýy kerek:

  • Úıden shyqpańyz.
  • Túshkirgende nemese jótelgende aýzyńyz ben murnyńyzdy vırýstyń taralýyn boldyrmas úshin bir rettik súlgimen jabyńyz. Osydan keıin birden qolyńyzdy sabynmen jýyńyz nemese alkogolge negizdelgen antıseptıkpen óńdeńiz. Árqashan tyǵyz medısınalyq maska kıip, ár 2 saǵat saıyn aýystyryńyz.
  • Tamaqtaný aldynda, sondaı-aq dárethanaǵa barǵannan keıin qoldy sabynmen jýyńyz nemese antıseptıkpen óńdeńiz. Qoldy súrtý úshin bir rettik maılyqtardy qoldanǵan durys.
  • Jeke ydys-aıaq qoldanyńyz.
  • Eger sizde temperatýra nemese buzylý belgileri baıqalsa, siz karantın týraly habarlap jáne shaqyrý sebebin kórsete otyryp COVID-19 baılanys ortalyǵyna habarlasýyńyz kerek nemese jedel járdem shaqyrýyńyz kerek.

Naýqasty qashyqtan baqylaý júrgiziledi. Ony qamtamasyz etý úshin:

  • Úıde karantınde turǵan adamǵa smartfonǵa Smart Astana mobıldi qosymshasyn ornatyńyz jáne qosymshanyń barlyq ruqsattaryn berińiz (GPS, WIFI, Bluetooth).
  • «Men karantındemin» rejımin qosyńyz jáne úı karantıni kezinde ony sóndirmeńiz.
  • Telefon únemi ınternetke qosýly bolýy kerek
  • Mobıldi qosymsha belsendi bolýy kerek (qosymshanyń kúıin habarlandyrýda nemese kúı vıdjetinde baıqaýǵa bolady)
  • Úıdegi karantın fýnksııasyn paıdalaný kezinde paıdalanýshy GPS, Bluetooth jáne WIFI rejımin óshirmeýi kerek.

Sonymen qatar úı karantıni saqtalǵan otbasy músheleri arnaıy nusqaýlardy oryndaýy kerek.

Usynylady:

  • Bógde adamdardyń kelýine jol bermeńiz.
  • Karantın bólmesine kirgen kezde, aýzyńyz ben murnyńyzdy jaýyp turatyn tyǵyz medısınalyq maska kııýińiz kerek. Medısınalyq maska dymqyl nemese kir bolyp ketse, ony tez arada jańasyna aýystyrý kerek. Medısınalyq maskany tıisti tehnıkany qoldanyp alyńyz, ıaǵnı aldyńǵy bóligin ustamańyz.
  • Kún saıyn keminde 2 ret otbasynyń ár múshesi úshin dene temperatýrasyn ólsheý.
  • Úı-jaılardy kúnine keminde 2 ret jeldetińiz. Kún saıyn dymqyl tazalaý júrgizińiz.
  • Qoldy jıi sabyndap jýyńyz nemese antıseptıkpen súrtińiz, qoldy súrtý úshin bir ret qoldanylatyn maılyqtardy qoldanǵan durys.
  • Otbasynyń ár múshesi jeke ydys-aıaqty, jeke gıgıena quraldaryn paıdalanady.
  • Túshkirgende nemese jótelgende aýzyńyz ben murnyńyzdy vırýstyń taralýyn boldyrmas úshin bir rettik súlgimen jabyńyz. Osydan keıin birden qolyńyzdy sabynmen jýyńyz nemese antıseptıkpen óńdeńiz.
  • Eger otbasynyń kez kelgen múshesinde dene qyzýy kóterilse nemese aýrýdyń belgileri bolsa, siz tez arada COVID-19 baılanys ortalyǵyna qońyraý shalyp nemese jedel járdem shaqyryp, karantın týraly habarlap jáne shaqyrý sebebin kórsetińiz.
Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar