Qazaqstan • 16 Maýsym, 2020

Sý-27 ushaqtary kúrdeli jóndeý men jańartýdan ótti

10 ret kórsetildi

"Qazaqstan avıasııalyq ındýstrııasynyń" mamandary Sý-27ÝMB-2 ushaǵyn kúrdeli jóndeýden jáne jańartýdan keıin Qazaqstannyń Áskerı-Áýe Kúshterine tapsyrdy. Bul týraly Qorǵanys mınıstrliginiń baspasóz qyzmetine silteme jasaı otyryp Egemen.kz habarlaıdy.

Joıǵyshtardy qabyldap, Nur-Sultan qalasyndaǵy aerodromda ushý synaqtaryn ótkizý barysynda áýe qorǵanysy kúshteriniń Bas qolbasshysy avıasııa general-leıtenanty Nurlan Ormanbetov, áskerı áýe kúshteriniń qolbasshylyǵy, maıdan avıasııasynyń ushqyshtary, sondaı-aq áskerı avıasııa ınjenerleri qatysty.

Áskerı ushqyshtar júrgizilgen jumystarǵa oń baǵa berdi.

"Ushaqtyń jerdegi jáne áýe maqsattarynda joǵary dáldiktegi qarýdy qoldaný múmkindigi zor. Qosymsha navıgasııa ornatylǵan, joǵary dáldikti qarýdyń ilý núkteleri ulǵaıyp, áýe kemesiniń jaýyngerlik múmkindikteri arta tústi", - dedi avıasııalyq eskadrılıa komandıriniń orynbasary maıor Rýslan Maqadıev.

Jóndeý jumystaryn "Qazaqstan avıasııalyq ındýstrııasynyń" ınjenerlik-tehnıkalyq quramy Belarýs avıajóndeý zaýytynyń mamandarymen birlesip júrgizdi.

"Qazaqstandyq avıasııa ındýstrııasy" - bul qorǵanys ónerkásibiniń avıasııalyq klasterin jáne Qazaqstannyń óndiris, tehnıkalyq qyzmet kórsetý jáne áskerı áýe kemelerin jóndeý naryǵynda básekege qabilettiligin damytý maqsatynda Qorǵanys mınıstrliginiń bastamasy boıynsha qurylǵan qazirgi zamanǵy avıasııalyq kásiporyn.

Sońǵy eki jyl ishinde Qazaqstan aýmaǵynda alǵash ret otandyq kásiporynmen An-72 áskerı-kólik avıasııasynyń ushaqtarynda reglamenttik jumystar oryndaldy, al qazirgi ýaqytta Sý-25 ushaǵynyńtórteýinekúrdeli jóndeý júrgizilýde.

1

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar