Balalar ýaqyttarynyń basym bóligin dalada ótkizetin jazǵy demalys kezinde polıseılerdi joldaǵy jaǵdaı alańdatady.
Ár iri saýda alańdarynyń janynda kólikke toly kósheni asyǵa kesip ótýlerin jıi baıqaýǵa bolady. Qaýipti elemeýge tyrysady. Olardyń ár qaısysy ózi úshin ǵana emes, olarǵa qarap qaıtalaıtyndar úshin de jaýapty. Eresekterdiń búgingi mundaı áreketterin, erteń bala qaıtalaýy múmkin. Nemese – jaıaý júrginshi jolaǵymen velosıpedpen júrip ótýin. Bul jol qozǵalysyndaǵy eń qaýipti sátterdiń biri.
"Róldegi adam jaıaý júrginshilerdiń jyldamdyǵyna qaraı baǵdar jasaıtynyn túsingen durys", dep toqtala ketti SQO PD bastyǵynyń orynbasary Qanat Aıtbaev. Velosıpedshi áldeqaıda jyldam qozǵalady. Asyǵystyq júrgizýshini orny tolmas aýyr jaǵdaıǵa uryndyrýy múmkin. Sondyqtan jedel-profılaktıkalyq is-sharasyn ótkizý barysynda joldaǵy jaǵdaı erekshe baqylaý aımaǵynda bolady. Polıseılerdiń maqsaty – quqyq buzýshylardy barynsha jaýapkershilikke tartpaı, barlyq jol qozǵalysyna qatysýshylardyń tártipke boı usynýyna qol jetkizý.
Oblystaǵy jedel-profılaktıkalyq is-sharalardyń tórt kúni ishinde jaıaý júrginshiler jáne jol júrisiniń basqa da qatysýshylary tarapynan Jol júrisi qaǵıdalarynyń 200 buzýshylyǵy anyqtaldy. Kólik júrgizýshilerimen 900 shaqty buzýshylyqqa jol berilgen. Onyń ishinde 49-y kólikti masań kúıde tizgindese, 206-sy júrgizýshi kýáliginsiz bolǵan, 259-y jyldamdyqty asyrǵan.
Budan basqa, ýchaskelik ınspektorlar 351 turmysy qolaısyz otbasyn tekserdi. 42 ata-ana balalaryn tárbıeleý boıynsha mindetterin oryndamaǵany, taǵy 156-sy jasóspirimderdiń keshke qydyrýlaryna, nemese saǵat 23-ten keıin oıyn-saýyq mekemelerinde bolýyna jol bergeni úshin jaýapkershilikke tartyldy. Kámeletke tolmaǵandarǵa temeki ónimderin satqan 10 kásipkerge qatysty ákimshilik hattama toltyryldy.
Jalpy “Quqyqtyq tártip” jedel-profılaktıkalyq is-sharasyn ótkizý kezeńinde ákimshilik zańnamanyń 3655 túrli buzýshylyqtary anyqtaldy.
