"Mundaı kólikterdi tirkeý senimhat nemese saqtandyrý polısi negizinde basqaratyn adamdarǵa júrgizilmeıdi, óıtkeni zańdy túrde olar kólik ıesi bolyp sanalmaıdy. Sonymen birge saqtandyrý polısiniń negizinde basqa tulǵalardyń mundaı kólikterdi basqarýǵa quqyǵy bar", deıdi S.Túsipov.
Onyń aıtýynsha, Úkimettiń qaýlysy aıasynda avtokólikti tirkeýdiń quny 11 946 teńgeni quraıdy, onyń ishinde tirkeý jarnasy - 695 tenge (0,25 MRP), tólqujat úshin tólem - 3 473 tenge (1,25 MRP), MTNB úshin - 7 778 tenge (2,8 MRP). Al ákelinetin avtokólikter Armenııanyń ýákiletti organdarynda turaqty tirkeýde tirkelgendikten Qazaqstanda tirkelgen kezde, olarǵa sary tústi nómirler beriledi, óıtkeni olar basqa memlekette turaqty tirkeýde turǵan kólik quraldary. Bul rette nómirler avtokólik ıesiniń naqty turǵylyqty jeri boıynsha óńirdiń kodymen («01» óńirden bastap «17» deıin) beriledi.
"2009 jyldan bastap tyıym salynǵandyqtan, «oń rýldik» avtokólikterdi tirkeý qarastyrylmaǵan. Tyıym «Jol júrisi týraly» zańmen jáne Keden odaǵynyń «Dońǵalaqty kólik quraldarynyń qaýipsizdigi týraly» tehnıkalyq reglamentterimen belgilengen", deıdi S.Túsipov. Sondyqtan oń rýldi kólikter bastapqyda sol jaq júrispen júretin elderde paıdalanýǵa arnalǵan. Olar Japonııa, Ulybrıtanııa jáne t.b.
