Tehnologııa • 17 Maýsym, 2020

Ilon Masktiń spýtnıktik ınternetin beta-testileý bastaldy

801 ret

kórsetildi

1 mın

oqý úshin

Bıylǵy 13 maýsymda SpaceX kompanııasy Jer orbıtasyna taǵy 58 jasandy serik ushyrdy. Mundaı spýtnıkterdiń jalpy sany 540-qa jetip, jerge ınternet berýdiń beta-testileý rejımin bastaýǵa múmkindik berip otyr. Mask myrzanyń baıaǵydan aıtyp júrgeni – jerdiń barlyq túpkirin tegin ınternetpen qamtamasyz etemin degen atyshýly málimdemesi birtindep shyndyqqa aınalatyn sııaqty, - dep jazady Egemen.kz

Serikqazy KÓKENAI

Ilon Masktiń spýtnıktik ınternetin beta-testileý bastaldy

Kompanııa álemdik spýtnıktik ınternetti jabyq túrde testileýdi bastaıtynyn aıtyp habarlandyrý bergen. Shaqyrtý alǵan adam dıametri 0,48 metrlik spýtnıktik antennany termınalymen birge alady. Bul antennalar avtomatty túrde Starlink spýtnıkterine baǵyttalatyn bolady. Beta-testileý rejımi bastalǵanda AQSh-tyń soltústik shtattaryn tolyq qamtıtyn 800 jasandy jer serigi jumys isteıdi dep josparlanýda.

Atalmysh spýtnıkter alǵashynda ınternet jyldamdyǵyn 1 Gbıt/s shamasynda qamtamasyz ete alady. Bul qazirgi qoldanystaǵy spýtnıkterge qaraǵanda anaǵurlym jyldam bolǵanmen, vıdeo men zamanaýı oıyndardy tarta almaýy múmkin. Ilon Mask komandasy ınternet berýdegi kesheýildeýdi birtindep 35-ten 8 mıllısekýndqa aparyp, jyldam ınternet zamanyn týdyramyz dep ýáde berip otyr.