Partııa jaqtastarynyń lıgasy quryldy

Kezdesýge qatysýshylardyń qatarynda saıasattanýshy, «Mır Evrazıı» qoǵamdyq qorynyń prezıdenti Edýard Poletaev, «Serpin» ulttyq bilim berý jáne ınnovasııa palatasynyń prezıdenti, Ulttyq qoǵamdyq senim keńesiniń múshesi Murat Ábenov, saıasattanýshy, Ulttyq qoǵamdyq senim keńesiniń múshesi Marat Shıbutov, pýblısıst Bıbigúl Dáýletbekqyzy, «Ana tili» gazetiniń bas redaktory, pýblısıst Janarbek Áshimjan, belgili bloger Iаkov Fedorov boldy.

– Demokratııa, pikirlerdiń plıýralızmi elimizde qalyptasýy kerek. Bularǵa eshqandaı balama joq. Degenmen, osy demokratııa­ǵa, saıası plıýralızmge degen um­tylys elimizdiń memlekettik irgetasyn devalvasııaǵa alyp kelmeýi tıis... Áleýmettik jeli­lerde jáne qoǵam aldynda sóz aıtyp júrgen azamattar elimizdegi áleýmettik prosesterge úles qosý­ǵa qabiletti. Sondyqtan ekono­mıkalyq máselelerdi sheshý­ge óziniń reseptin bere alatyn, eli­mizdegi qoǵamdyq prosesterdi progreske jeteleıtin Nur Otan partııasy jaqtastarynyń lıgasyn qurýdy jón kórip otyrmyz, – dedi E.Saırov. Onyń aı­týynsha, Nur Otan partııasy jaqtastary lıgasynyń eń ne­gizgi qaǵıdasy – sentrıstik bolmaq. 

E.Saırovtyń sózine qaraǵan­da, lıga óz jumysyn úsh baǵytta júr­gizedi. Birinshi baǵyt – áleý­met­tik ádilettilik, ekinshisi – qoǵam­dyq-saıası transformasııa, al úshinshisi – ekonomıkalyq ór­leý. Kezek kúttirmeıtin másele re­tinde jaqtastar lıgasy Nur Otan partııasy jarııalaǵan partııalyq praımerızdi qatań qoǵamdyq ba­qylaýǵa alady.

– Eldegi saıası usynystar men ıdeıalardyń básekesine zárý. О́z­derińiz jaqsy biletindeı, el zań­namasyna birqatar ózgeris engizilip, sonyń nátıjesinde saıası sahnaǵa kóterilýi úshin áıelder men jastarǵa jol ashyldy. Sol sekildi Nur Otan partııasynda praı­merızdiń jarııalanýyna baı­lanysty kóptegen azamat saıası prosesterge qa­ty­sý múm­kindigine ıe boldy. Bul – óte durys qadam. Sebebi biz­­diń eli­mizge ózgeshe oılaıtyn, oń she­shim qabyldaı alatyn aza­mat­tar aýadaı qajet. Ondaı aza­mat­tar kóptep tabylyp jatsa, par­tııa­ishilik irikteýdiń de baryn­sha ashyq ótkendigi dep aıtýǵa bola­dy. Sondyqtan jaqtastar lıgasynyń júıeli jumysyna Nur Otan partııasy da múddeli, – dedi E.Poletaev.

Nur Otan partııasynyń praımerız jobasyna qatysty pikirin M.Ábenov te bildirdi.

– Qazir tek Qazaqstanda ǵana emes, dúnıe júzinde bolyp jat­­qan saıası-qoǵamdyq pro­sess barlyǵyn oılandyrady. Amerıka, Eýropany alyp qaraı­tyn bol­saq, azamattyq qoǵamnyń damý deńgeıi óte joǵary jáne bu­ryn­ǵy basqarý júıeleri óz deń­geıinde qyzmet atqaryp jatyr dep aıta almaımyz. Jurttar kó­shege shyǵyp, ártúrli talaptaryn qoıyp jatyr. Memlekettik organdar barlyq jaǵdaıda soǵan qajetti sheshimder qabyldap úlgermeı jatqanyn baıqap otyrmyz. Dál osyndaı problemalar bizde de bar. Ony ózderińiz de kórip júrsizder. О́kinishke qaraı, memlekettik organdardyń halyq aldyndaǵy bedeli kóp jaǵdaı­da qajetti deńgeıde emes. О́zara senim joq, – dedi M.Ábenov. Onyń aıtýynsha, mundaı problemalar qoǵamdyq baqylaýdyń joqtyǵy men halyq kótergen máselelerdi bıliktiń estimeýi saldarynan týyndap otyr. О́tken jyly Ulttyq qoǵamdyq senim keńesi qurylyp, sonyń alǵashqy otyrysynda Prezıdent «Parlamenttiń mártebesin, bedelin kóterýimiz kerek. Al Parlament halyqtyń únin bılikke jetkizýi kerek» dep anyq aıtqan bolatyn. Sondyqtan M.Ábenov elimizde halyqtyń únin jetkizetin Parlamentti qalyp­tastyrý qajet dep esepteıdi.

– Elimizde alǵash ret máslı­hat­qa saılaý partııalyq tizim boıynsha júrgiziledi. Alaıda saılaýshylar sany 13 mln bol­ǵanymen, partııa músheleriniń sany odan shamamen on ese az. Sondyqtan olar­dyń partııa­ishi­lik prosester­ge áser ete alý múmkindigi óte tómen edi. Endi partııa qyzmeti halyqpen barynsha tyǵyz qarym-qatynas ornatýdy maqsat tutyp otyr. Máselen, eli­miz­de pandemııa jaǵdaıy oryn almas buryn aımaqtardy damytý jos­paryna qatysty birqatar bas­tama­ qolǵa alynǵan edi. Sol jumys­tardy jalǵastyrý qajet. Rea­lızmdi jaqtaýshylardyń qa­tarynda bolǵandyǵymnan, bas­taǵan isimniń aıaqsyz qalmaýyn qalaımyn. Sondyqtan Nur Otan partııasy jaqtastarynyń lıgasyna qosylyp, el múddesi jolyn­da eńbek etýge bel baıladym, – deıdi M.Shıbutov.

– Nur Otan partııasy jaqtas­tarynyń lıgasyna qosyla oty­ryp, ashyq pikir alańyn qalyptas­tyrsaq, el yrysyn eseleýge óz úlesimizdi qossaq deımiz, – deıdi J.Áshimjan.

Kezdesý barysynda tanymal jýrnalıst B.Dáýletbekqyzy men bel­gili bloger Iа.Fedorov te óz oı­laryn ortaǵa salyp, praı­me­rızdiń artyqshylyǵyn alǵa tartty.