Aımaqtar • 18 Maýsym, 2020

Jambyl oblysyna 5 aıda 79 mlrd teńgeniń ınvestısııasy tartyldy

534 ret
kórsetildi
1 mın
oqý úshin

2020 jyldyń qańtar-mamyr aılarynda Jambyl oblysy boıynsha negizgi kapıtalǵa salynǵan ınvestısııalar kólemi 79 mlrd teńge boldy, bul ótken jyldyń sáıkes kezeńimen salystyrǵanda 2,6%-ǵa artyq. Onyń ishinde syrtqy ınvestısııalar ótken jyldyń deńgeıinen 33% asyp, 19 mlrd teńgege jetti, - dep habarlady oblys ákiminiń baspasóz qyzmeti.

Jambyl oblysyna 5 aıda 79 mlrd teńgeniń ınvestısııasy tartyldy

Jambyl oblysy ákimdigi ınvestorlarmen turaqty negizde kezdesýler ótkizedi, qarjylandyrýdy talap etetin jobalar bastamashylaryna konsýltasııalar men qarjy kózderin izdeıdi. 2019 jylǵy 28 qarashada Tuńǵysh Prezıdent kúni aıasynda "bir tereze" qaǵıdaty boıynsha jumys isteıtin ınvestorlardy súıemeldeý jónindegi óńirlik front-keńse ashyldy. Front-keńse alańynda ınvestorlarmen jumys isteýge tartylǵan ákimdik qurylymdary men uıymdardyń qyzmetkerleri ornalastyrylǵan. Bul ótinish bildirgenderdiń bastapqy suranysynyń ýaqytyn bir jarym ese qysqartýǵa múmkindik beredi.

2020 jyldyń basynan beri kásipkerlik sýbektilerinen 47-den astam ótinishi tústi, ınvestorlarmen 23-ten astam jeke kezdesý ótkizildi, 11 joba súıemeldeýge alyndy.

Búgingi tańda oblysta 11,4 myń jańa jumys ornymen qamtamasyz etetin 69 ınvestısııalyq joba (2020-2025 jj.) pýly quryldy.

Jobalardy iske asyrýǵa kedergi keltiretin problemalyq máselelerdi ýaqtyly anyqtaý jáne sheshý úshi barlyq jobaǵa turaqty negizde monıtorıng júrgiziledi. 

Bıyl quny 94,2 mlrd teńge bolatyn 19 ınvestısııalyq jobany júzege asyrý josparlanýda.