Atap aıtqanda, "Qazaqmys" kompanııalar tobynyń qyryq myń adamnan turatyn eńbek ujymy – kenshiler, ken baıytýshylar men metallýrgter Elbasyna senim men qýat tilep, jedelhat joldady.
"Qadirli Elbasy, sizdiń tezirek saýyǵyp ketýińizdi tileımiz! Pandemııa jaǵdaıyndaǵy kúrdeli kezeńde biz koronovırýs ınfeksııasymen kúreske baǵyttalǵan memlekettik bastamalarǵa belsendi túrde at salysamyz. "Qazaqmys" jumysshylardyń densaýlyǵyn qorǵaý jáne óndiristiń tynys-tirligin úzdiksiz qamtamasyz etý úshin múmkin bolǵan sharalardyń barlyǵyn qarastyrady. Siz sııaqty rýhy myqty adam bul synaqty baǵyndyrady dep senemiz!", – degen qoldaý men ıgi tilek sózderi jazylǵan jedelhatta.
Elbasynyń eńbek jáne saıası Otanyndaǵy ónerkásiptik kásiporyndardyń jumysshylar da Tuńǵysh Prezıdenttiń tezirek saýyǵýyn tileıdi.
"Nursultan Nazarbaev Qaraǵandy óńirine árdaıym erekshe qamqorlyqpen jáne meıirimmen qaraıdy. Bizdiń Tuńǵysh Prezıdentimiz qıyn synaqtardan ótti. Elbasynyń bul dertti tez jeńetinine senimdimiz", – degen tilek aıtady olar.
Tuńǵysh Prezıdentke densaýlyq tilegen jedelhattardy "Shubarkól Kómir" AQ, "Qazmarganes" KB, "Sary Arka Copper Processing" JShS, "Altynalmas" AQ, "Koýnrad" Mys kompanııasy" JShS, "Altaı Polımetally" JShS, "Gefest" TKK, "SAT KOMIR "GK" AQ jáne basqa kompanııalar da jiberdi.
Sonymen qatar, "ArselorMıttal Temirtaý" kompanııasynyń kenshileri men metallýrgteri de Tuńǵysh Prezıdentke qoldaý bildirdi.
"Aýrý kóp uzamaı keıin sheginedi dep senemiz, óıtkeni Sizdiń júregińiz jáne minezińiz Qazaqstan Magnıtkasynyń domnasynda shynyqqan. Shyn júrekten sizge tezirek saýyǵyp ketýdi tileımiz", – dep jazady "ArselorMıttal Temirtaý" kompanııasynyń qyzmetkerleri.
