Aımaqtar • 19 Maýsym, 2020

Qostanaı oblysynda polısııany balaǵattaǵan áıel sottaldy

133 ret kórsetildi

Denısov aýdanynyń soty bılik ókiline til tıgizgen áıelge aıyppul salyp, 40 saǵat qoǵamdyq jumys isteýge májbúrleý týraly úkim shyǵardy, dep jazady Egemen.kz

16 mamyrda atalǵan azamatshanyń ústinen Frýnze aýylynyń turǵyndary ýchaskelik ınspektorǵa  shaǵym túsirgen. Áıel alańqaıda oınap júrgen balalar aıqaı salyp balaǵattaǵan. Ata-analardyń eskertýine qulaq asa qoımaǵan soń, turǵyndar jergilikti ýchaskelik ınspektordy shaqyrǵan. 

Polıseı oqıǵa ornyna kelip, mán-jaıǵa qanyqqan soń, 38 jastaǵy áıeldiń áreketin usaq buzaqylyq dep baǵalap, QR ÁQK-niń 434 baby boıynsha hattama toltyryp, sotqa jiberedi.

Sol kúni ýchaskelik ınspektor sotqa shaqyrý qaǵazyn tapsyrý úshin áıeldiń úıine kelgen. Qyzyqtyń kókesi osy jerde bolady. Quqyq buzǵan áıel úıinen shyǵa salysymen, polıseıge bylapyt sózdiń túr-túrin qarsha jaýdyrady. Aýzynan aq ıt kirip, kók ıt shyqqan kelinshek qoı degenge kónbegen soń, polıseı endi qylmystyq kodekske júginip, qyzmettik mindetin atqaryp jatqan bılik ókilin qorlaǵan azamatshanyń ústinen  qylmystyq is ashady. Isti tekserý kópke sozylmaı aıaqtalyp, sotqa jiberiledi. Sot joǵarydaǵydaı úkim shyǵaryp otyr.

Qostanaı oblysynyń PD baspasóz qyzmetiniń málimetinshe, aımaqta jyl basynan beri bılik ókiline til tıgizgenderge qatysty 43 is qozǵalyp, onyń 30-y sotqa jiberilgen. Bılik ókiline qarsy qara kúsh qoldanǵandar da bar. Mundaı azamattarǵa qatysty 3 qylmystyq is qaralyp jatyr, 6 is sotqa jiberilgen.

 

Qostanaı oblysy

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar