BAÁ-niń astanasy – Ábý-Dabıde jalaýy jelbireıtin jarysta 25 jastaǵy jerlesimiz Ramazan Emeevpen kúsh synasady. Shavqat osy kúnge deıin 12 jekpe-jek ótkizip, barlyǵynda aıqyn basymdyq tanytqan bolatyn. Byltyr ol Danıala Prızkazany utyp, 77 kılo salmaqta M-1 Global nusqasy boıynsha chempıondyq belbeýdi ıelendi.
Ramazan Emeev 33 jasta. Daǵystannyń týmasy da kezinde M-1 Global promoýsheni uıymdastyrǵan jarystarda jasyndaı jarqyrap, altyn belbeýdi beline taqty. Barlyǵy 22 ret oktagonǵa shyqqan Ramazan 18 ret jeńiske jetti. 10 básekeni merziminen buryn aıaqtady. UFC-de ol 2017 jyldan beri baq synap jatyr. Sol aralyqta tórt kezdesý ótkizip, úsheýinde mereıi ústem boldy.
