Janashyr jandardyń biri taltústegi tonaýshylyq týraly polısııanyń "102" nómirine dabyl túsirgen. Polısııanyń jedel basqarý ortalyǵy barlyq qyzmetterine habarlap jáne qylmys bolǵan oblystyq aýrýhananyń aýmaǵyna jaqyn mańdaǵy patrýlderdi de jibergen. Barlyǵyna qylmyskerdiń syrt belgileri men kıimderiniń túr-túsi jetkizilgen.
Sol belgimen patrýldik polısııa batalonynyń aǵa ınspektory, leıtenant О́mirserik Orazǵalıdyń toby kúdiktige uqsas adamdy kózderi shalyp qalǵan. Qyraǵy toptyń túısigi aldamapty, jaqynyraq kelgende tipti artqy qaltasynan qyltıyp turǵan áıeldiń ámııany da kóringen. Polısııa oǵan "toqta!" degen komanda bergende zyta jónelmek bolǵan, alaıda sporttyq daıyndyǵy myqty patrýlder eki attatpaı qýyp jetip, qolyn qaıyryp, kisen salady.
Ol buryn sottalǵan, Aqmola oblysynan Petropavlǵa kelgen adam bolyp shyqty. Qazir onyń ústinen "tonaý" baby boıynsha qylmysty is qozǵalyp, qalanyń oqshaýlaǵyshyna qamaldy.
Al zardap shekken keıýanynyń polısııa qyzmetkerlerine degen alǵysy sheksiz. Qylmysker laqtyryp ketken onyń sómkesi de qoqys konteınerleriniń birinen shyqty.
PETROPAVL
