Aýyldaǵy Mustahım Yqsanov pen Qapan Mýsın atyndaǵy kóshelerdiń qıylysynda burynǵy kóne ǵımarattyń orny bos turǵan bolatyn. Kóktemde aýyl boıynsha kóshe toıy merekesi ótken kezde dál osy jerge turǵyndar ádemi shara ótkizdi. Sol kezde turǵyndar qaraýsyz qalǵan múıisti abattandyrýdy suraǵan eken. Endi mine, bul jerde Jánibek aýyldyq ákimdiginiń uıymdastyrýymen ulttyq sport alańy ashylatyn boldy.
"Aýdan aýmaǵyndaǵy barlyq mektebimizde asyq úıirmeleri bar. Jergilikti deńgeıdegi sporttyq sharalar ulttyq oıyndarsyz, sonyń ishinde asyqsyz ótpeıdi. Endi mine, asyq oıyndaryna arnalǵan arnaıy alań ashqaly otyrmyz", - deıdi bizge Jánibek aýdany ákiminiń orynbasary Jaqsylyq Kárımollauly.
Alańdaǵy qurylys jumystaryn aqyly jumysqa tartylǵan aýyl turǵyndary atqaryp jatyr eken. Qarjy aýyldy abattandyrý arnalǵan qordan bólingen. Alańnyń kórneki jerine alshysynan túsken altyn saqa beınesi qoıylypty. Ony jasaǵan – jánibektik sheber, "Jasómir" jeke kásipornynyń ıesi Jomart Mashaev eken.
Shilde aıynyń basynda ashylǵaly turǵan bul alańda balalar oınaıtyn keshendi alańqaı da ornalaspaq.
"Aýyldyń osy jaǵynda mektep jasyndaǵy balalar da kóp. Jańa alańnyń ashylýyn olar da kútip júr. Koronavırýstyń beti qaıtyp, vırýs juǵý qaýpi seıilse, bul alań balalardyń shat kúlkisine tolatyn shaǵy alys emes",- deıdi Jənibek aýdandyq ishki saıasat bólimi basshysy Janar Dııasqyzy.
Batys Qazaqstan
