Qoǵam • 22 Maýsym, 2020

Qaǵazda bári qatyp tur, alaıda...

165 ret kórsetildi

Elimizde qolǵa alynǵan mańyzdy jobanyń biri – Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy. Byltyr Atyraýda atalǵan baǵdarlamamen 28 344 adam jumyspen qamtylyp, 5 mlrd teńge qarjy ıgerildi. Al bıyl dál osy baǵdarlama aıasynda 23 566 adamdy jumyspen qamtý kózdelip otyr. Árıne qaǵazda bári qatyp tur. Alaıda bıylǵy kórsetkish kóńil kónshitpeıdi. Nege?

– Jyl basynan beri jumyspen qamtý ortalyqtaryna habarlasqan 11 410 adamnyń ishinen 6 217-i, ıaǵnı 54,5 paıyzy jumyspen qamtyldy. Qazir jumyssyzdar sany 9 805 adam­dy qurady, – deıdi oblystyq ju­myspen qamtýdy úılestirý jáne áleýmettik baǵdarlamalar bas­qar­masynyń basshysy Serik Qamıdolla.

Alaıda mekemeler usynǵan turaqty jumys oryndaryna 2 344 adam ornalastyrylyp, jospar 19,5% ǵana oryndalypty. Budan da tómen kórsetkishter Atyraý qalasynda (9,8%), Jylyoı jáne Isataı aýdandarynda (14,8%) baı­qalyp otyr. Máselen, Isataı aýdanynda úsh jobamen 780, al Qurmanǵazy aýdanyndaǵy eki jobaǵa 190 jumys ornyn ashý josparlanypty. Alaıda alǵash­qysynda  tek  10 adam jumysqa qa­byl­dany belgili bolyp otyr. Al Qurmanǵazy aýdanyndaǵy eki jobaǵa birde-bir adam tartylmaǵan. 

Endi naqty josparmen jumys istep, karantındi syltaýratýdy qoıý kerek. Tótenshe jaǵdaı, tipti ka­rantın kezinde de jumys isteýge arnaıy ruqsat berdik. Oblystyq arnaıy shtab sol úshin kúni-túni jumys istedi. Biraq nátıje tómen, degen Mahambet Dosmuhambetov memlekettik baǵdarlama aıasyndaǵy jumystardy  uıymdastyra almaǵan aýdan ákimderin  synǵa aldy.

Al Atyraý qalasynyń ákimi Qaı­rat Orazbaevtyń aıtýynsha,  «Ju­myspen qamtýdyń jol kar­tasy – 2020» baǵdarlamasy sheń­be­rinde iske asyrylatyn 25 ın­fra­qurylymdyq jobamen 2446 jańa jumys orny ashylady. Ju­mys­pen qamtylatyn árbir ekinshi azamat res­mı jumyssyzdar qatary­nan alyn­­baq.

– Qazir 20 kompanııadan 809 bos ju­mys ornyna suranys tústi. Soǵan baılanysty ortalyqta 3 ret bos ju­mys oryndary jármeńkesi ótti. Nátıjesinde, 244 adam jumysqa or­nalasty. Alaıda keıbir azamattar beriletin jalaqyny mise tut­paı, ystyq tamaqty, qyzmettik kó­lik­terdi talap etip, usynylǵan jumystan bas tartady, – dedi Aty­­raý qalalyq jumyspen qamtý orta­­lyǵynyń dırektory Gúlnar Quspanova.

Degenmen Q.Orazbaevtyń pi­kirinshe, jumyssyzdyq máselesin sheshýge aldymen jumyspen qamtý or­talyǵy múddeli bolýy kerek. Má­se­len, Atyraý qalasyndaǵy №55 ba­labaqshaǵa kúrdeli jón­deý ju­mystaryn bastaǵan «Kom­pa­nııaTehStroı» JShS dırektory Erjan Samalıhov 18 adamdy ju­myspen qamtý ortalyǵynan sha­qyryp otyr. Bul seriktestikke taǵy 15 jumysshy qajet. Alaıda keıbir merdigerler jumyssyzdar shaqyrtý alsa da, jumysqa kelmeıtinin alǵa tartady. 

– Memlekettik baǵdarlama aıasynda jumyssyzdyq máselesin bir­lese sheshýimiz qajet. О́zi jumysshy surap, aldyna kelgen adamdy negiz­siz jumysqa almaıtyn kompanııalar bar. Olarmen jumysty jalǵas­tyrý­dyń qajeti bar ma? – dedi qala bas­shysy.

Endi oblys ákimi M.Dosmuham­betovtiń tapsyrmasymen mekemeler men kásiporyndarda eńbekaqynyń ýaq­tyly jáne tolyq kólemde tóle­nýine monıtorıng jasaý qolǵa alyn­baq.

 

Atyraý oblysy

 

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar