Qoǵam • 22 Maýsym, 2020

120 myńnan astam jumys orny quryldy

11 ret kórsetildi

2020-2021 jyldarǵa arnalǵan Jumyspen qamtýdyń jol kartasy aıasynda (budan ári – JQJK) 5 954 jobany júzege asyrý bastalyp, olardyń aýqymynda 120 myńnan astam jumys orny quryldy, dep habarlady EHÁQM baspasóz qyzmetine silteme jasaı otyryp Egemen.kz habarlaıdy.

JQJK aıasynda jergilikti atqarýshy oryndar 6 506 jobany iske asyrýǵa iriktedi.

JQJK ınfraqurylymdyq jobalaryn iske asyrý 4 negizgi baǵyt boıynsha ótedi:

– áleýmettik-mádenı nysandardy kúrdeli jáne aǵymdaǵy jóndeý, rekonstrýksııalaý jáne salý (2 703 joba);

– turǵyn úı-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, rekonstrýksııalaý (1 039 joba);

– ınjenerlik-kólik ınfraqurylymyn kúrdeli, ortasha jáne aǵymdaǵy jóndeý, rekonstrýksııalaý jáne salý (1 799 joba);

– eldi mekenderdi abattandyrý (965 joba).

JQJK ınfraqurylymdyq jobalaryn iske asyrý kezinde otandyq óndirýshilerdiń keminde 90% taýarlary men qyzmetterin qoldanýdy qamtamasyz etý erekshe shart bolyp tabylady. Jumysshylardyń kem degende jartysy halyqty jumyspen qamtý ortalyqtary arqyly alynyp, basymdyq jumyssyz júrgen jastarǵa beriletin bolady. Merdigerler sanıtarlyq-epıdemıologııalyq sharalardy qoldana otyryp, qaýipsiz eńbek jaǵdaıyn qamtamasyz etýge tıis.

О́ńirlerde 5 954 joba boıynsha jumys bastaldy, 120,2 myń jumys orny quryldy, onyń ishinde 64,1 myńy halyqty jumyspen qamtý ortalyqtary arqyly.

JQJK aıasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.

Budan buryn habarlaǵandaı, JQJK júzege asyrýdyń aıtarlyqtaı oń áseri sezilmek.

Mysaly, 80 jańa bilim berý nysanynyń qurylysy apatty jáne úsh aýysymdy mektepterdiń máselelerin sheshýge, aýyldyq jerlerde bilim berý oryndaryna qoljetimdilikti arttyrýǵa, sondaı-aq 7 myńǵa jýyq muǵalimdi turaqty jumysqa ornalastyrýǵa múmkindik beredi. 24 densaýlyq saqtaý nysanynyń qurylysy alǵashqy medısınalyq-sanıtarlyq kómekke qoljetimdilikti arttyrady, sondaı-aq shamamen 1 myń medısına qyzmetkerin jumysqa ornalastyrýǵa múmkindik beredi. 36 mádenıet jáne sport nysanynyń qurylysy buqaralyq sportty damytýǵa oń áser etip, jastar úshin bos ýaqyt máselesin sheshýge jáne 1,6 myń adamdy turaqty jumyspen qamtamasyz etýge múmkindik beredi.

О́z kezeginde, sý sharýashylyǵynyń 12 jańa nysanyn salý jáne qoldanystaǵylaryn jańǵyrtý halyq úshin aýyz sýdyń qoljetimdiligin arttyrady, sýarmaly jerlerdiń kólemin keńeıtýge, paıdalanylmaıtyn jerlerdi aınalymǵa tartýǵa, aralas salalarda 77 myń adamdy jumyspen qamtýdy qamtamasyz etýge múmkindik beredi. Turǵyn úı-kommýnaldyq sharýashylyqtyń 247 jańa nysanyn salý jáne qoldanystaǵylaryn jańǵyrtý turǵyn úı qurylysy úshin jaǵdaı jasaıdy, aýyl turǵyndary úshin kommýnaldyq qyzmetterdiń qoljetimdiligin qamtamasyz etedi, kommýnaldyq jeliniń tozýyn tómendetedi. Eldimekenderdi abattandyrý olardyń syrtqy kelbetin jaqsartyp qana qoımaı, azamattardyń qaýipsiz jáne jaıly demalysy úshin jaǵdaı jasaıdy.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar