Qazaqstan • 22 Maýsym, 2020

Berik Ýálı koronavırýstan aıyǵyp, aýrýhanadan shyqty

318 ret kórsetildi

Prezıdenttiń baspasóz hatshysy Berik Ýálı koronavırýstan aıyǵyp, aýrýhanadan shyqty. Bul týraly ol óziniń Instagram paraqshasynda jazdy, - dep habarlaıdy Egemen.kz

"Búgin medısına qyzmetkerleriniń kúni. Adam janynyń arashasysy, dertke shıpa berip, syrqatty emdeıtin aq halatty abzal jandardyń eńbegi qandaı qurmetke bolsyn laıyq. Olar óz jandaryn shúberekke túıip, aýrýǵa shaldyqqan adamnyń ómiri úshin kúresip, kún men túnmen sanaspaı, ýaqytpen eseptespeı, otbasylarynan jyraqta, alǵy shepte jumys istep, saýapty is atqaryp júr. Ásirese, dál qazirgideı qıyn-qystaý kezde, syn saǵatynda dárigerlerdiń qadirin anyq túsinip jatyrmyz", dep jazdy Berik Ýálı.

Sondaı-aq ol  qalypty tirshilikke qaıta oralyp jatqan emdelýshilerdiń atynan dárigerlerge alǵys aıtty.

"Osyndaı jankeshti jumys jolynda júrgen árbir azamatqa qaýipti indetke shaldyǵyp, odan Sizderdiń kómekterińizben jazylyp, búginde qalypty tirshiligine qaıta oralyp jatqan emdelýshilerdiń atynan da alǵys aıtyp, aldaryńyzda basymdy ıemin!
Eńbekterińiz jemisti, kásipterińiz óristi bolsyn! Halyq, ult densaýlyǵy jolynda atqaryp jatqan ıgilikti jumystaryńyz jalǵasty da jemisti bolǵaı! Biz Sizderdi qurmetteımiz!
Aman bolyńyzdar, aq halatty abzal jandar!", dep jazdy B. Ýálı.

Eske sala keteıik, 6 maýsym kúni Prezıdenttiń baspasóz hatshysy Berik Ýálı koronavırýs juqtyrǵan bolatyn.

Sońǵy jańalyqtar

Almaty mańynda jer silkindi

Aımaqtar • Búgin, 20:30

Qazaqstanda JSN berý jeńildetildi

Qoǵam • Búgin, 16:57

Dollar baǵamy arzandady

Qarjy • Búgin, 15:49

BQO-da GAZel men jeńil kólik soqtyǵysty

Aımaqtar • Búgin, 13:53

QHL: «Barys» «Spartakty» jeńdi

Hokkeı • Búgin, 11:33

Uqsas jańalyqtar