Qoǵam • 23 Maýsym, 2020

Baýyrjan Baıbek Aqmola oblysynyń turǵyndarymen onlaın kezdesý ótkizdi

35 ret kórsetildi

Elbasynyń tapsyrmasymen "Nur Otan" azamattardyń kókeıkesti máselelerin jedel sheshýdi, onyń ishinde áleýmettik jeliler arqyly retteýdi kúsheıtti. Bul týraly partııa Tóraǵasynyń birinshi orynbasary Baýyrjan Baıbek Instagram jelisindegi óz paraqshasynda jazdy,- dep habarlaıdy Egemen.kz.

Onyń aıtýynsha, el Prezıdentiniń "Halyq únine qulaq asatyn memleket" tujyrymdamasy aıasynda partııanyń qoǵamdyq qabyldaýlary jyl basynan beri óńirlerde 196 myń ótinishti qabyldap, onyń 96% sheshimin tapqan. Bul rette onlaın ótinishter 6 esege artty, onyń ishinde Whatsapp arqyly – 8, al Facebook ben Instagram arqyly – 17 esege ósti.

F

"Búgin Aqmola oblysynyń turǵyndarymen onlaın kezdesýde Zerendi aýylynyń medısına qyzmetkerleri turǵyn úımen qamtamasyz etý máselesin kóterdi. Ortalyq aýdandyq aýrýhananyń pedıatr-dárigeri Gaýhar Sháripovanyń aıtýynsha, mekemeniń 36 qyzmetkeriniń baspanasy joq. Aýrýhanada mamandar tapshylyǵy baıqalady. Memleket basshysy Qasym-Jomart Toqaev keshe ákimdermen bolǵan jınalysta medısına qyzmetkerlerin materıaldyq jáne moraldyq qoldaý qajettigi týraly taǵy da aıtty. Sondyqtan bul máseleni sheshý erekshe partııalyq baqylaýǵa alyndy. 40 páterlik turǵyn úı qurylysyna arnalǵan jobalaý-smetalyq qujattama ázirlendi, jer telimi bólinip, bıýdjettik ótinim berildi. Máslıhattyń taıaýdaǵy sessııasynda bizdiń fraksııanyń qoldaýymen qajetti qarajat bólinetin bolady", - dedi ol.

Sonymen qatar tikeleı efır barysynda Baýyrjan Baıbek kókshetaýlyq "Gormolzavod" kásipornynyń bastaýysh partııa uıymynyń múshelerimen de tildesip, bastaýysh partııa uıymynyń múshelerine #BizBirgemiz respýblıkalyq aksııasyna qyzý atsalysqandary úshin alǵys aıtty. Karantın kezeńinde olar Kókshetaý qalasynda 308 asa muqtaj otbasyǵa 2,4 mıllıon teńgege kómek kórsetti. Bastaýysh partııa uıymynyń kóptegen múshesi aldaǵy tamyz-qyrkúıekte ótetin partııaishilik praımerızge qatysýdy josparlap otyr.

F

Beınekonferensııa baılanysy arqyly "Nur Otan" partııasy Tóraǵasynyń birinshi orynbasary oblystyq partııa aktıvimen birge óńirdiń ózekti máselelerin de talqylady.

"Qazirgi kezde partııa Lıderi Nursultan Nazarbaevtyń tapsyrmasy boıynsha partııanyń árbir óńiri, qalasy men aýdany boıynsha saılaýaldy baǵdarlamalarynda eskerý úshin júıeli sıpattaǵy kókeıkesti máseleler jınaqtalyp, taldaý jasalyp jatyr. Turǵyndardy tolǵandyryp júrgen máseleler óz sheshimin tabýy tıis. Partııamyz aldaǵy ýaqytta da qoǵamnyń suranystaryna der kezinde jaýap berip otyratyn bolady", - dep túıindedi sózin Baýyrjan Baıbek.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar