Búginde oblys boıynsha 1 547 baspana paıdalanýǵa berildi, onyń ishinde – 931 jeke úı.
"Nurly jer" memlekettik baǵdarlamasy sheńberinde 2020 jyly ınjenerlik-kommýnıkasııalyq ınfraqurylym jáne turǵyn úı qurylysyna 21,1 mlrd teńge bólinip, 49 joba iske asyrylady. Osylaısha 2 439 jumys ornyn qurý kózdelgen.
Aqtóbe oblysynda bıyl 65 myń sharshy metr jalǵa beriletin turǵyn úı jáne kredıttik turǵyn úı paıdalanýǵa berý josparda bar. Bul – 1 142 páter. Atalǵan eki baǵyttaǵy jumysty iske asyrý úshin 1800-ge jýyq jumys orny ashylmaq.
Budan basqa, "Nurly jer" memlekettik baǵdarlamasy aıasynda 2% nesıe beriletin "Baqytty otbasy" baǵdarlamasyn júzege asyrýǵa aǵymdaǵy jyly respýblıkalyq bıýdjetten oblys ákimdigine 302 turǵyn úı qaryzyna 3 mlrd. teńge qarastyrylǵan.
Sonymen qatar, turǵyn úı qurylysy aýdandaryna ınjenerlik-kommýnıkasııalyq ınfraqurylym júrgizýge arnalǵan 24 jobany iske asyrý úshin 7,9 mlrd teńge qarastyrylǵan. Bul rette 661 adamdy jumyspen qamtý kózdelip otyr.
