Qazaqstan • 24 Maýsym, 2020

Armııa halyqarlyq oıyndary 2020: "Tank bıatlony" baıqaýyna daıyndyq

21 ret kórsetildi

"Mátibulaq" oqý ortalyǵynyń bazasynda tórt aı kóleminde Reseı Federasııasynda Máskeý mańyndaǵy "Alabıno" polıgonynda ótetin "Tank bıatlony" baıqaýyna daıyndyq júrip jatyr, dep habarlady Qorǵanys mınıstrliginiń baspasóz qyzmeti.

Osy jyldyń aqpan aıynda segiz tank ekıpajy irikteýge kirisken bolatyn. Qazirgi ýaqytta úsh irikteý kezeńinen keıin komanda quramyna kirýge úmitker bes ekıpaj qaldy. Saıys talaptaryna sáıkes «Tank bıatlonyna» qatysý úshin tórt ekıpaj qajet.

"Qazir tank mamandary Qazaqstan Qarýly Kúshteriniń quramasyna kirýge áreket etip, odan keıin saıysta halyqaralyq deńgeıde jeńý maqsatyn qoıady. Bizdiń qatysýshylarǵa materıaldyq bólimdi bilý, biliktilik pen kásipqoılyq, fızıkalyq shydamdylyqty kórsetý syndy talaptar qoıylady. Júldeli oryndar úshin kúres qajyrly eńbek pen jeke quramdy daıyndaýdy, úzdik bolýǵa umtylýdy talap etedi", deıdi "Astana" óńirlik qolbasshylyǵy áskerleri qolbasshysynyń orynbasary polkovnık Iýrıı Asqarov.

Tank bıatlony Armııalyq halyqaralyq oıyndardyń negizi bolyp sanalady. 2013 jyldan bastap bul baıqaý óz betinshe ótkizildi. Áskerı halyqaralyq oıyndar 2015 jyly bastalyp, "Tank bıatlony" baıqaýy negizgi jarys retinde kirdi.

Qazaqstan komandasy "Tank bıatlony" baıqaýyna jeti ret qatysty. 2013 jyly qazaqstandyq tank mamandary komandasy ekinshi orynǵa ıe boldy. Odan keıin úshinshi jáne tórtinshi oryndardy mise tutty. 2017 jáne 2018 jyldary Qazaqstan quramasy taǵy da ekinshi orynǵa turaqtady.

"Men Áskerı ınstıtýttyń kýrsanty bolǵan kezde tank bıatlonyna qatysýdy armandadym. Qazirgi tańda irikteýdiń alǵashqy kezeńderinen óttim. Qazaqstan quramasynyń negizgi quramyna kirip, elimizdiń abyroıyn asqaqtatyp, qurmetti orynǵa ıe bolamyn dep úmittenemin. Biz jeńiske umtylamyz!" deıdi desanttyq-shabýyldaýshy áskerleri áskerı bóliminiń tank vzvodynyń komandıri leıtenant Seıtjan Qoblanuly.

Saıysqa qatysýshylardy irikteý jáne daıyndaý jumystaryna túzetýler koronavırýstyq ınfeksııa pandemııasy men eldegi jarııalanǵan tótenshe jaǵdaı engizilýine baılanysty keıinge qaldyrylǵan bolatyn. Tank mamandary men jattyqtyrýshylar quramyn irikteýdiń birinshi jáne ekinshi kezeńderi arasynda josparlanǵan úzilisti polıgonda ótkizýge týra keldi, óıtkeni karantın kezeńinde elimiz boıynsha qozǵalysqa jol bermedi.

"Biz jarys kezeńderi arasynda úıge barmaı, polıgonda jattyǵýlardy jalǵastyrǵanymyzǵa túsinistikpen qaradyq. Komanda quramyndaǵy bir áskerı qyzmetshi aýyrmaýy kerek boldy, áıtpese tutas komanda bola almaıdy. Bizdiń jaqyndarymyz ben otbasymyz túsinistikpen qaraıdy", deıdi "Shyǵys" óńirlik qolbasshylyǵynyń áskerı qyzmetshisi aǵa serjant Dmıtrıı Alkenov

Koronavırýsty juqtyrýdyń aldyn alý maqsatynda "Tank bıatlony" baıqaýyna irikteý qatysýshylary basqa áskerı qyzmetshilerden bólek jattyǵady. Barlyq saqtyq sharalary saqtalyp, olardyń densaýlyq jaǵdaıyna baqylaý júrgiziledi.

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Elbasy jáne Qazaqstan armııasy

Elbasy • 07 Mamyr, 2021

Uqsas jańalyqtar