Sport • 24 Maýsym, 2020

Fýtboldy damytý tujyrymdamasy qoǵamdyq talqylaýdan ótýde

420 ret
kórsetildi
1 mın
oqý úshin

Bıyl "Ertis" fýtbol klýby elimizdiń 2020 jylǵy Premer-lıgasynda oınaýdan bas tartqany belgili, - dep habarlaıdy Egemen.kz.

Fýtboldy damytý tujyrymdamasy qoǵamdyq talqylaýdan ótýde
Al, bul másele oblystyń, elimizdiń fýtbol súıer jankúıer qaýymyn eleń etkizdi. Oblystyq týrızm jáne sport basqarmasynyń basshysy Marat Aıdashevtyń málimdeýinshe, buǵan sebep ERG demeýshiligin toqtatqan. Qaryz kúnnen-kúnge jınalýda. Osyǵan oraı, chempıonattaǵy oıyndy toqtatýǵa týra kelgen.

Sondyqtan, basqarmasy aldaǵy bes jylǵa arnalǵan óńirde fýtboldy damytý tujyrymdamasyn daıyndady. Onda negizgi baǵyttar, olar boıynsha problemalar jáne usynylatyn sheshimder kórsetilgen. Oblys turǵyndarynyń usynystary men tilekterin qamtıtyn jospardy ázirleý úshin tujyrymdama qoǵamdyq talqylaýǵa shyǵarylady.

Máselen, óńirde fýtboldy 5 baǵytta ózgertý arqyly damytý usynyldy.

Birinshi baǵyt – basqarma, fýtbol klýbtary, oblystyq fýtbol federasııasy qyzmeti ashyq bolý kerek.

Ekinshiden, federasııanyń jumysyn jaqsartý,  fýtboldy damytý jónindegi keńes qurý, TMD men Eýropanyń jetekshi klýbtarymen yntymaqtastyq jasaý  qajet.

Úshinshi jáne tórtinshi baǵyt – balalar men jasóspirimder, stýdentter jáne jastar fýtbolyn damytý.

Besinshi baǵyt arqyly - fýtbolmen shuǵyldanýdy tıimdi nasıhattaý úshin federasııa men áýesqoı jarystardy uıymdastyrýshylardyń arasynda yntymaqtastyq ornatý, aqparattyq jumysty kúsheıtý jáne azamattardyń jekelegen sanattary arasynda jarystarǵa qoldaý kórsetý  usynyldy.

Al, qoǵamdyq talqylaý bıylǵy 20 shildege deıin jalǵasady. Qabyldanǵan usynystar men tilekter óńirdiń 2020-2025 jyldarǵa arnalǵan fýtboldy damytý josparyn ázirleý barysynda eskeriledi.

1

 

Pavlodar oblysy

Sońǵy jańalyqtar