Utymdysy, otandyq óndiris damıdy, baǵa qoljetimdi bolmaq, avtobólshekterdi de jergilikti jerden tabýǵa ábden bolady.
"Biz kombaın qurastyrýdy bastamaqpyz. Bul ózimiz óndiretin jańa tehnıka bolmaq. Ásirese kombaınǵa suranys kóp. Endi kombaındar syrttan ákelinbeıdi. О́z elimizde qurastyrylady", deıdi daıyndaý bóliminiń sheberi Azat Shegirov.
Sandyq baǵdarlama arqyly basqarylatyn stanok Qazaqstanda endi damyp keledi. Kókshetaýda onyń tilin biletinder az. Solardyń biri sandyq baǵdarlamalyq basqarý operatory Naıl Bogapov. Ol sondaı-aq kompıýterde 3D úlgilerdi jasaıdy, olardy júıege qosady.
"Men munda mashına qurylysy keleshegi bar sala bolǵandyqtan keldim. Osy jerde kompanııa qurylǵannan bastap jumys isteımin. Aýyl sharýashylyǵy tehnıkasyna qajetti barlyq bólshekterdi meńgerip aldym", deıdi sandyq baǵdarlamalyq basqarý operatory Naıl Bogapov.
Kompanııa basshylyǵy ıgerim úlesin kóbeıtýdi kózdeıdi. Mysaly, "MTZ" traktoryna jınaqtaýshy jabdyqtary daıyn túrde keledi. Kókshetaýdaǵy zaýyt tek ony qurastyrýǵa ǵana jaýapty. Al jaqyn arada kásiporyn astyq kombaındaryn tolyǵymen ózderi shyǵarmaq.
