Onlaın-akademııada Dınara Sádýaqasovanyń vıdeo-sabaqtary, tapsyrmalary men testteri bar. Pandemııa kezinde kýrsqa kirý tegin. Múmkindigi shekteýli jandarǵa oqý árdaıym aqysyz.
"Bárine arnalǵan shahmat" – Turǵyn úı qurylys jınaq bankimen birlesip qurylǵan joba. Bizdiń maqsat – shahmat oıynyna degen qyzyǵýshylyqty arttyrý ári elimizdiń shet-shetinde shahmatty úırengisi keletin jannyń bárine múmkindik berý. Álem qarqyndy túrde damyp jatyr, qazir ıntellektýal qasıetter men oılaý jyldamdyǵy mańyzdy. Shahmat – bul daǵdylardy damytatyn tamasha qural. Platformada meniń qatysýymmen vıdeo-sabaqtar bar", – dedi Dınara.
Kýrstan balalar da, eresekter de óte alady. Baǵdarlama deńgeıge bólingen. Ár deńgeıde vıdeo-sabaq pen 200 tapsyrmany qamtıtyn 20-25 blok bar. Oqýdy aıaqtaǵandarǵa sertıfıkat beriledi.
Tegin kýrsqa myna jerde tirkelýge bolady.
"Biz komandamyzben barlyq deńgeıge arnap 10-nan astam saǵat sabaq jazdyq. Platformada tanymal shahmatısterdiń dáristeri men semınarlary jarııalanady. Barlyq adamnyń shahmatqa degen qyzyǵýshylyǵy artyp, úırený múmkindigi bolǵanyn qalaımyz", – dedi Shahmat akademııasynyń dırektory Aınur О́tesheva.
