Aımaqtar • 26 Maýsym, 2020

Almatyda 27-28 maýsym kúnderi qosymsha shekteý sharalary engiziledi

186 ret kórsetildi

Almaty qalasynyń ákimi Baqytjan Saǵyntaevtyń tapsyrmasymen koronavırýs ınfeksııasynyń taralýyn boldyrmaý jónindegi Komıssııa qaladaǵy epıdemıologııalyq jaǵdaıdy turaqtandyrý boıynsha qosymsha sharalardy qabyldady, - dep habarlaıdy Egemen.kz.

Almaty qalasynda qosymsha karantındik shekteý sharalary 27 maýsym saǵat 00.00-den bastap, 29 maýsym caǵat 00.00-ge deıin kúshine enedi.

Qabyldanǵan sheshimge sáıkes kórsetilgen kezeńde koronavırýstyq ınfeksııanyń taralý qaýpi joǵary jabyq obektilerdiń qyzmeti toqtatylatyn bolady:
- iri saýda jelileri (azyq túlik, azyq túlik emes), úıdegi dúkender túrindegi fılıaldaryn qospaǵanda
jabyq bazarlar (azyq-túliktik, azyq-túliktik emes, ámbebap), saýda-oıyn-saýyq ortalyqtary, saýda ortalyqtary, saýda úıleri;
- qoǵamdyq tamaqtaný nysandary, kóshedegi formattaǵy ashyq aýadaǵy nysandardy qospaǵanda, áleýmettik qashyqtyqty jáne sanıtarlyq-epıdemıologııalyq normalardy saqtaı otyryp;
- fıtnes-ortalyqtar.

Bazarlar óz qyzmetin 2020 jyldyń 29 maýsymy (dúısenbi kúni) qaıta jalǵastyra alady. Ashyq daladaǵy kóshe formatynda áleýmettik qashyqtyqty jáne sanıtarlyq-epıdemıologııalyq normalardy saqtaǵan jaǵdaıdy qoǵamdyq tamaqtaný oryndarynyń qyzmetine ruqsat etilgen. Qoǵamdyq kólikter de osy demalysta óz qyzmetin toqtatady.

Atap ótetin jaıt, joǵaryda atalǵan nysandarda sanıtarlyq-profılaktıkalyq jáne sanıtarlyq-epıdemıologııalyq sharalar júrgiziledi.

Qosymsha shekteý sharalaryna baılanysty azamattarǵa qala boıynsha qozǵalysty shekteý usynylyp otyr. Táýekel tobyna kiretin adamdarǵa, ásirese egde adamdarǵa úıde qalý usynylady.

Epıdemııaǵa qarsy sharalardy buzǵany úshin jeke jaýapkershilikke tartý qarastyrylǵan. Polısııa qyzmetkerleri tarapynan adamdar kóp jınalatyn oryndarda engizilgen shekteýlerdi saqtaý boıynsha patrýldeý kúsheıtiledi.

Suraqtar týyndaǵan jaǵdaıda, azamattar 1308 nómiri boıynsha Open Almaty qoǵamdyq qabyldaýyna júgine alady.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar