"Úkimet qaýlysyna sáıkes el aýmaǵynda 2020 jyldyń 1 maýsymynan 1 qyrkúıegine deıin Armenııa Respýblıkasynan ákelingen kólik quraldaryn tirkeý jumystary júrgizilýde. Qostaanı oblysyna ákelingen kólikterdiń basym bóligi − Qostanaı, Rýdnyı, Lısakov qalalary men Qostanaı jáne Áýlıekól aýdandarynda. Buǵan deıin avtokólik ıelerine túsindirý jumystary júrgizildi. Sonyń nátıjesinde búginde 135-ten astam mashına tirkeldi, dedi A.Grıgorevskıı.
Mamandandyrylǵan HQKO-da azamattar kóligin nebári 15-20 mınýt ishinde tirkeýge turǵyza alady. Kólik ıesi ol úshin tirkeý alymyn, tehnıkalyq pasport pen memlekettik tirkeý nómiriniń bajyn tóleýi kerek. Munyń barlyǵy 11 946 teńge bolady. Tirkeý ornyna jeke kýálik, KO jáne MTNB-ny esepke alý týraly Armenııa kýáligin kórsetý qajet.
Armenııalyq kóliktiń tehnıkalyq pasporty men bastapqy memlekettik nómirlik belgisi HKQO-da saqtalady. Kólik ıesi kóligin satqysy, nemese elden shyǵarǵysy kelgen jaǵdaıda, jańa nómirdi HKQO-ǵa qaıtaryp, burynǵysyn ala alady.
Qap taýynan ákelingen kólik quraldary bıyl 1 qyrkúıekke deıin zańdy tirkeýden ótpese, kólik ıesi ákimshilik quqyqbuzýshylyq týraly kodekstiń 590-baby boıynsha jaýapkershilikke tartylatyn bolady.
