Búgin, 10 qazan kúni Atyraý oblysynyń qylmystyq ister jónindegi mamandandyrylǵan aýdanaralyq soty elimizde tyıym salynǵan salafıttik baǵyttaıdeologııalyq jumystar júrgizgen aımaqtyń 9 turǵynyna baılanysty aıyptaý úkimin shyǵardy.
Sot prosesinde sottalýshylarǵa Qylmystyq kodekstiń 233-1 (terrorızmdi nasıhattaý, terrorızm aktisin jasaýǵa shaqyrý), 233-2 (terrorıstik top qurý, ony basqarý, qyzmetine qatysý), 233-3 (terrorıstik topty qarjylandyrý) baptary, 24-babynyń 1-bóligi arqyly 233-baby 2-bóliginiń «b» tarmaǵy (azamattardyń ómiri men densaýlyǵyna qaýip tóndiretin jarylys jasaý úshin jarylys zattardy daıyndaý), 251, 252-baptarynyń 3-bólikteri (uıymdasqan top bolyp atys qarýyn, oq-dárilerdi, jarylǵysh zattardy zańsyz ıemdený, saqtaý) boıynsha qylmystyq áreketter jasaǵany úshin kináli dep tanylyp, bas bostandyǵynan aıyrý jazalary taǵaıyndaldy.
Atap aıtqanda, top basshylary 33 jastaǵy Roman Baıarısov pen 30 jastaǵy Ramız Kım Qylmystyq kodeksi 131-babynyń 5-bóligimen, ıaǵnı qylmystyq toptyń qyzmetine jasy kámeletke tolmaǵan balalardy tartý belgilermen taǵy kánáli dep tanylyp, túpkilikti múlikteri tárkilenip, 14 jyl merzimge bas bostandyǵynan aıyryldy.
Kım Ramız Qylmystyq kodeksi 121-baby 3-bóligimen (kórineý kámeletke tolmaǵan adamǵa nápsiqumarlyq sıpattaǵy kúsh qoldaný), 24-baby 3 bóligi – 121-babynyń 3-bóligi kórineý kámeletke tolmaǵan adamǵa nápsiqumarlyq sıpattaǵy kúsh qoldanýǵa oqtalý), 123-baby (adamdy bopsalaý jolymen nápsiqumarlyq sıpattaǵy erkek pen erkektiń jynystyq qatynas jasaýyna májbúr etý) baptary boıynsha sottaldy
Qylmystyq topta bolǵan jastary kámeletke tolmaǵan Ádilhan Qydyrsıhov pen Turǵanbaı Aǵorynovqa olardyń jastyǵyn eskerip, 6 jyl merzimge bas bostandyǵynan aıyrý jazasy taǵaıyndaldy.
Toptyń qalǵan músheleri de jastary 18 ben 23 aralyǵyndaǵy Vladımır Kım, Januzaq Izim, Dastan Bolatuly, RaıymbekZııashev jáne Altynbek Zeınetýllaev sot úkimimen kináli dep tanylyp, múlikteri tárkilenip, 8-9 jyl merzimge bas bostandyqtarynan aıyrý jazalary taǵaıyndaldy.
Qazirgi kezde sot úkimi zańdy kúshine engen joq. Úkimge rıza emes jaqtar 15 táýlik ishinde Atyraý oblystyq sotynyń apellıasııalyq alqasyna shaǵym bere alady.
BoranbaıǴalıev,
Atyraýoblystyqsotynyńbaspasózhatshysy.
