Qazaqstan • 29 Maýsym, 2020

5 myńǵa jýyq qandas azamattyq alýǵa ótinish bergen

1031 ret kórsetildi

Azamattyq alǵysy keletin qandastarymyzǵa arnalǵan "Otandastardy aqparattyq qoldaý ortalyǵy" qurylyp, oǵan byltyrdyń ózinde 5 myńǵa jýyq ótinish tústi. Bul týraly Aqparat jáne qoǵamdyq damý mınıstri Aıda Balaeva aıtty, - dep habarlaıdy Egemen.kz

"Osy ultaralyq qatynas salasynyń úlken bir bóligi – sheteldegi qazaqtar men elge oralǵan qandastar máselesi. Bul baǵyttaǵy barlyq suraqtardy sheshý úshin qazir "Otandastar" qorymen birlese otyryp, birqatar jobalardy qolǵa aldyq. О́zderińiz bilesizder, Úkimet tarapynan bekitilgen "2018-2022 jyldarǵa arnalǵan etnıkalyq qazaqtardy qoldaý jospary" bar. Onyń aıasynda sheteldegi qazaqtardyń qatysýymen kóptegen mádenı-gýmanıtarlyq is-sharalar  ótkizilip keledi", dedi Aıda Balaeva.

Mınıstrdiń aıtýynsha, elge oralǵan qandastarymyzǵa qujat rásimi anaǵurlym jeńildetilip, "bir tereze" prınsıpi engizilgen. Osynyń arqasynda qazir  qandastar 5-6 memlekettik mekemeni aralap taban tozdyrmaı, barlyq sharýasyn bir jerden sheshetin bolady. Olarǵa qajet qujattardyń sany da eki esege yqshamdalyp, rásimdeý ýaqyty 6 aıdan 3 aıǵa qysqarady. 

"Qandastardyń áleýmettik-ekonomıkalyq turǵydan qoldaý máselesi de jyldan jylǵa sheshilip keledi. Qazir olar elimizde iske asyrylyp jatqan memlekettik baǵdarlamalarǵa engiziletin bolady. Azamattyq alǵysy keletin qandastarymyzǵa arnalǵan "Otandastardy aqparattyq qoldaý ortalyǵy" qurylyp, oǵan byltyrdyń ózinde 5 myńǵa jýyq ótinish tústi", dedi mınıstr Aıda Balaeva.

Sondaı-aq "Otandastar" qorymen birlesip qazaqtar kóp shoǵyrlanǵan shet elderde Qazaq mádenı-iskerlik úıleri ashylatyn bolady. Bul eń aldymen Qytaı, Reseı, Mońǵolııa, О́zbekstan, Germanııa men Túrkııa sııaqty elderge qatysty. Mınıstrdiń málimetinshe, qazirdiń ózinde 12 eldiń 23 qalasynda 31 qazaq synyptary onlaın rejımde ashyldy. Osy jyly bul elderde 2,5 myńnan asa balalar ana tilin oqıtyn bolady. 

Sońǵy jańalyqtar

Dollar baǵamy qaıta ósti

Qarjy • Búgin, 16:12

«Almaty-2» vokzalynda órt shyqty

Oqıǵa • Búgin, 15:01

Uqsas jańalyqtar