"Qazir jańa eki telearna ashý máselesi qarastyrylyp jatyr. "Abaı TV" jáne "ál-Farabı" telearnasy. "Abaı TV" telearnasy erteń - 30 maýsymda kórermenge jol tartady. Ol "Qazaqstan" TRK" quramyna kiredi jáne otandyq mádenıet murasyn nasıhattaıtyn arna bolady. Oqý jylynyń basynda "Habar" agenttiginiń bazasynda 6 jastan 18 jasqa deıingi balalar men jasóspirimder aýdıtorııasyna arnalǵan jańa bilim berý-aǵartýshylyq televızııalyq platforma bolatyn "ál – Farabı" arnasy iske qosylady", dedi mınıstr.
Otandyq serıal óndirisiniń damýy týraly aıta kele, A.Balaeva bıyl 42 serıal óndirisi josparlanǵanyn habarlady. Kórermenderge otbasy qundylyqtary, volonterlerdiń qyzmeti týraly qyzyqty jobalar, pedagogtar, dárigerler, polıseılerdiń ımıdjin kóterýge, salaýatty ómir saltyn nasıhattaýǵa baǵyttalǵan serıaldar túsiriledi.
