Qazaqstan Parlamenti Májilisinde taǵy bir ıgilikti ıdeıa kóterildi. Depýtattar bul joly «Salyq týraly» Zańǵa ózgerister men tolyqtyrýlar engizý barysynda han saraıyndaı qymbat baǵaly úılerdiń salyǵy basqalardan úsh ese kóp bolýy kerektigi týraly uıǵarymǵa uıydy. Halyq qalaýlylary jobany asqan shapshańdyqpen talqylap, birinshi oqylymda bekitip berdi.
Qazaqstan Parlamenti Májilisinde taǵy bir ıgilikti ıdeıa kóterildi. Depýtattar bul joly «Salyq týraly» Zańǵa ózgerister men tolyqtyrýlar engizý barysynda han saraıyndaı qymbat baǵaly úılerdiń salyǵy basqalardan úsh ese kóp bolýy kerektigi týraly uıǵarymǵa uıydy. Halyq qalaýlylary jobany asqan shapshańdyqpen talqylap, birinshi oqylymda bekitip berdi.
Áıtkenmen, qazir naǵyz qaltaly baılar bul ózgeristerdiń ózinen aınalyp ótýi ábden múmkin, degen qaýip týyndap jatyr. О́ıtkeni, adamnan qýlyq artyla qoımaıtyny da belgili. Endi ózińiz baıqap qarańyz. Astanada shirigen baılar qonys jaılaǵan elıtalyq aýdandaǵy 402 sharshy metrlik kottedjdiń quny 270 mln. teńgeden asyp-jyǵylady eken. Onyń ishi de keń, bólmeleri kóp. Jatyn jaıynyń sany altaýdan kem emes. Sonyń qabatynda saýnasy taǵy bar. Esiginiń aldyndaǵy aýlasy da atshaptyrym. Al jańa mızamnyń pármeni boıynsha, baǵasy 150 mln. teńgeden asatyn úılerge salynatyn salyq burynǵy mólsherdegiden úsh esege asyp túskeli tur. Myna úı sonyń sheńberine emin-erkin enedi de ketedi.
Sosyn elordadaǵy elıtalyq páterlerdiń arasynda tórt jáne odan da kóp bólmelerden quralatyndary kezdesedi. Onyń da bólmeleri dańǵaradaı. Ishinde úlken fýtbol bolmaǵanymen, mını-fýtboldy oınaýǵa ábden bolady. Jalpy kólemi joǵarydaǵy kottedjden shamaly ǵana az, shamamen 300 sharshy metrdiń aınalasynda. Munda da barlyq jaǵdaılar jasalǵan. О́zi Esildiń sol jaǵalaýynda endeı kólbep jatyr. Sondyqtan olarǵa qaltalary kádimgideı qalyń kásipkerler qumar. Odan qaldy, jınaǵan qorlary bir kósilýine yryq bere alatyn ánshiler men ónerpazdar bul jaqqa jıi kózin salady. Biraq baǵasy aldyńǵy atalǵan saraıǵa qaraǵanda úsh esege jýyq arzan. Iаǵnı 100 mln. teńgeniń tóńireginen tepeń etip shyǵa keledi. Sondyqtan manaǵy 150 mln. teńge degen ólshemniń órmegine túse qoımaıdy. Demek, buryn qalaı tólep kelse, endigi joly da salyǵyn solaı óteı bermek.
Shyntýaıtqa kelgende, sońǵy atalǵan páterler úı saýdasy kezinde jańa aıtylǵan mólsherden áldeqaıda joǵary baǵamen tarazy basyna túsýi ábden yqtımal. Tipti, ózderi ýaǵdalasqan, ózderiniń kóńilderi qalaǵan sondaı baǵalarmen satylyp ta jatqan bolar. Bul deńgeı 150-diń beldeýinen de asyp túsýi ábden kádik. Biraq endigi jerde páter ıeleri onyń baǵasyn eshqashanda 100-diń mańaıynan joǵarylatyp kórsetpeıdi. Satylǵan sátte de, alynǵan kezde de saýdaǵa sanat qosyp, alaqan urysatyndar sol aýada qalqyǵan astarly baǵany kólbeńdetip turyp alady.
Qazirgi jetip jatqan qaýesetterge qaraǵanda, osyndaı páterlerde turatyn baı-baǵlandar men baıshykeshter selebesin sýyryp kelip qalǵan salyqtyń susynan jaltarýdyń alýan túrli quqaıyn qarastyryp jatqan kórinedi. Al qalǵanyn aldaǵy ýaqyt kórseter.
Degenmen, búginde jurt úıdiń úlkeni salyqtan taıaq jegizetinin uǵyp qaldy.
Qurysh NURYMBET.
