Erevanda ótken Ujymdyq qaýipsizdik sharty uıymyna múshe memleketter Áskerı-ekonomıkalyq yntymaqtastyq jónindegi memleketaralyq komıssııasynyń (ÁEYMK) 11-otyrysyna Qazaqstan Qorǵanys mınıstrliginiń delegasııasy qatysty. Qazaqstandyq delegasııaǵa Qazaqstan Respýblıkasy Qorǵanys mınıstriniń orynbasary, general-maıor Oqas Saparov jetekshilik etti.
Erevanda ótken Ujymdyq qaýipsizdik sharty uıymyna múshe memleketter Áskerı-ekonomıkalyq yntymaqtastyq jónindegi memleketaralyq komıssııasynyń (ÁEYMK) 11-otyrysyna Qazaqstan Qorǵanys mınıstrliginiń delegasııasy qatysty. Qazaqstandyq delegasııaǵa Qazaqstan Respýblıkasy Qorǵanys mınıstriniń orynbasary, general-maıor Oqas Saparov jetekshilik etti.
Komıssııa jumysyna Armenııa Respýblıkasy Ulttyq qaýipsizdik keńesiniń hatshysy Artýr Bagdasarıan, UQShU-nyń Bas hatshysy Nıkolaı Bordıýja, Armenııa, Belarýs, Qazaqstan, Qyrǵyzstan, Reseı men Tájikstan ÁEYMK ulttyq bólimderiniń basshylary qatysty. Komıssııa UQShU-ǵa múshe memleketter arasyndaǵy Áskerı-tehnıkalyq yntymaqtastyqtyń negizgi prınsıpteri jónindegi kelisimdi odan ári jetildirý máselelerin qarastyrdy.
Komıssııa otyrysynyń qarsańynda ÁEYMK tóraǵasynyń janyndaǵy ulttyq bólimderiniń jumys toby sarapshylarynyń ÁEYMK janyndaǵy Iskerler keńesiniń keńesi ótkizildi. О́tkizilgen jınalystyń basty taqyryby, 2014 jyly Qazaqstanda ótetin halyqaralyq qarý-jaraq, áskerı-tehnıkalyq múlik «KADEX-2014» kórmesi boldy. Bul – Astana qalasynda osymen úshinshi ret ótkiziletin qazaqstandyq kórme. Alǵash ret ol 2010 jyly jalaýyn kóterdi. «KADEX» kórmesi kórermender tarapynan, qatysýshylar men qonaqtar jaǵynan quptaldy.
Ujymdyq qaýipsizdik sharty uıymyna múshe memleketter Áskerı-ekonomıkalyq yntymaqtastyq jónindegi memleketaralyq komıssııasynyń 10-shy mereıtoılyq otyrysy ótken jyly Astana qalasynda uıymdastyrylǵandyǵyn atap ótken jón. Ujymdyq qaýipsizdik sharty uıymyna múshe memleketter Áskerı-ekonomıkalyq yntymaqtastyq jónindegi memleketaralyq komıssııasynyń bıylǵy otyrysy syılastyq pen syndarly jaǵdaıda ótip, kelesi otyrysta talqylanatyn máselelerdiń barlyǵy túgeldeı qarastyryldy.
«Egemen-aqparat».
