Ulttyq qaýipsizdik komıteti tóraǵasynyń orynbasary – Shekara qyzmetiniń dırektory, general-leıtenant Nurlan Jolamanov respýblıkamyzdyń ońtústik óńirlerindegi shekara shepterinde bolyp, ondaǵy áskerı-qyzmettiń uıymdastyrylýymen, jańa tıptegi zastava qurylystarynyń salyný barysymen tanysty. Inspektorlyq qadaǵalaýǵa osy aýmaqta ornalasqan Qarasaı, Qordaı, Saryaǵash jáne Jetisaı shekara otrıadtarynyń nysandary ilikti. Sapar barysynda árbir nysanǵa naqtylaı baǵa berilip, olardyń jaqsy jaqtarymen qatar, kemshilikteri de aıtyldy.
Ulttyq qaýipsizdik komıteti tóraǵasynyń orynbasary – Shekara qyzmetiniń dırektory, general-leıtenant Nurlan Jolamanov respýblıkamyzdyń ońtústik óńirlerindegi shekara shepterinde bolyp, ondaǵy áskerı-qyzmettiń uıymdastyrylýymen, jańa tıptegi zastava qurylystarynyń salyný barysymen tanysty. Inspektorlyq qadaǵalaýǵa osy aýmaqta ornalasqan Qarasaı, Qordaı, Saryaǵash jáne Jetisaı shekara otrıadtarynyń nysandary ilikti. Sapar barysynda árbir nysanǵa naqtylaı baǵa berilip, olardyń jaqsy jaqtarymen qatar, kemshilikteri de aıtyldy.
Shekara basshysy bul qadaǵalaýyn Qarasaı shekara otrıadyna qarasty «Burǵan» zastavasynyń qurylys alańynan bastady. Qurylystyń árbir nysany, olardyń merziminde oryndalýy basty nazarǵa alyndy. Kemshilikteri bar bolǵanymen bul qurylystyń júrgizilýine shekara basshysy qanaǵattanarlyq baǵasyn berdi.
Budan keıin basshylyq Qordaı shekara otrıadyna qarasty «Sortóbe» zastavasyna atbasyn tiredi. Mundaǵy keshendik nysannyń jumystary negizinen aıaqtalǵan, tek ishki árleý, jıhazdar men jabdyqtar qoıý sekildi jumystary ǵana qalypty.
Bul zastavanyń qurylysy qanaǵattanarlyq, munda merdigerler belgilingen kestemen jumys atqarýda, sapasy da belgilengen standartqa sáıkes keledi. Taraz qalasynyń «Promhımmontaj» merdigerlik AQ-ty tııanaqty qurylys uıymy retinde atap ótý kerek, bularmen erteńgi kúni de jumys isteýge bolady, – dedi shekara basshysy rızashylyǵyn bildirip.
Áskerı tikushaqtyń kelesi taban tiregen jeri «О́tegen» zastavasy boldy. Mundaǵy qurylys jumystaryna qatysty kóptegen máselelerdiń qordalanyp qalǵandyǵy baıqaldy. Zastava aýmaǵynyń jaılandyrylýy, jataqhana, kazarma jáne sport zaldary ǵımarattarynyń kemshilikteri basa aıtyldy. General-leıtenant N.Jolamanov shymkenttik «Jalǵasqurylys» JShS merdigerlik uıymynyń basshysyna sapasyz jumystary boıynsha óziniń syn eskertpelerin aıtyp, kemshilikterin túzetýge ýaqyt belgiledi.
Al «Qazyǵurt» zastavasynyń keshendik nysandary dırektor bastaǵan shekarashylar tobyn óziniń uqyptylyǵymen razy etti. Jalpy aıtqanda, nysan belgilengen keste boıynsha soǵylýda, onyń sapalylyǵyna da eshkimniń talasy bolmady. Shekara basshysy qurylys jumystaryn oıdaǵydaı atqarǵany úshin «Azat ı Ko» JShS basshylyǵyna alǵysyn bildirdi.
Sóıtip, qurylys nysandaryna turaqty baqylaý jasaýdy júzege asyrǵan «Ońtústik» óńirlik basqarmasynyń jáne shekara otrıadtarynyń ofıserleri de aqshalaı syıaqymen marapattaldy.
«Egemen-aqparat.
