Aýyl sharýashylyǵynyń jalpy ónim kólemi ústimizdegi jyldyń qańtar-tamyzynda 56,6 mıllıard teńgeni qurady. Bul ótken jyldyń tıisti kezeńimen salystyrǵanda 106,4 paıyzǵa artyq. Onyń ishinde ósimdik sharýashylyǵy óniminiń kólemi 17,0 mıllıard teńge boldy. Naqty kólem ındeksi 131,5 paıyzǵa jetti. Mal sharýashylyǵynyń ónimi 39,4 mıllıard teńgege turaqtady.
Aýyl sharýashylyǵynyń jalpy ónim kólemi ústimizdegi jyldyń qańtar-tamyzynda 56,6 mıllıard teńgeni qurady. Bul ótken jyldyń tıisti kezeńimen salystyrǵanda 106,4 paıyzǵa artyq. Onyń ishinde ósimdik sharýashylyǵy óniminiń kólemi 17,0 mıllıard teńge boldy. Naqty kólem ındeksi 131,5 paıyzǵa jetti. Mal sharýashylyǵynyń ónimi 39,4 mıllıard teńgege turaqtady.
Agroónerkásip keshenin qoldaýǵa bıyl 3321,0 mıllıon teńge sýbsıdııa bólindi. Onyń ishinde respýblıkalyq bıýdjetten – 1866,4 mıllıon teńge, oblystyq bıýdjetten 1454,6 mıllıon teńge qaraldy. Al ústimizdegi jyldyń 1 qyrkúıegine 1352,3 mıllıon teńge ıgerilip otyr. Onyń ishinde respýblıkalyq bıýdjetten ıgerilgeni 457,0 mıllıon teńge bolsa, oblystyq bıýdjet qarjysynyń 895,3 mıllıon teńgesi jaratyldy.
Oblys egin sharýashylyǵynda masaqty dándi daqyldardy jınaý jumystary aıaqtaldy. Masaqty dándi daqyldardyń jalpy ónimi 414,9 myń tonnany qurady. Oblys boıynsha dándi-daqyldardyń ortasha túsimdiligi gektaryna 18,5 sentnerden aınaldy. Al mal azyǵyn daıyndaý, kókónis, kartop, maıly daqyldardy jınaý jumystary jalǵasýda.
Mal sharýashylyǵynda sharýashylyqtyń barlyq sanattary boıynsha 56,6 myń tonna et óndirilip otyr. Bul kórsetkish ótken jyldyń tıisti kezeńimen salystyrǵanda 2,6 paıyzǵa artyq.
Qoı men eshki basy ótken jyldyń tıisti kezeńimen salystyrǵanda 1,5 paıyzǵa (2762,6 myń bas), jylqy – 2,9 paıyzǵa (98,6 myń bas), túıe – 6,1 paıyzǵa (5,8 myń bas), shoshqa – 4,6 paıyzǵa (42,5 myń bas) ósti.
«Sybaǵa» memlekettik baǵdarlamasynyń sheńberinde ústimizdegi jyly 4700 analyq mal basyn satyp alý qarastyrylǵan. «Aýyl sharýashylyǵyn qarjylaı qoldaý qory» AQ jáne «Agrarlyq nesıe korporasııasy» AQ oblystyq fılıaldarymen 88 sharýa qojalyqtaryna 764,7 mıllıon teńgege nesıe berilip, 4104 sıyr jáne 217 buqa satyp alyndy.
Túıip aıtsaq, respýblıka boıynsha aýylsharýashylyq óniminiń kóleminde oblysymyzdyń úlesi 6 paıyzdy qurap otyr.
Abdaly NURALIEV,
Jambyl oblystyq aýyl sharýashylyǵy
basqarmasynyń bastyǵy.
