«Batys Eýropa – Batys Qytaı» halyqaralyq kólik dáliziniń 2787 shaqyrymy elimizdiń 4,6 mıllıon halqy turatyn bes oblysynyń aýmaǵymen ótedi. Osyndaı úlken jobanyń 628 shaqyrymy Aqtóbe oblysy aýmaǵynda salynýy tıis bolatyn. Sonyń 2011 jyly Qarabutaqtan Qyzylorda oblysynyń shekarasyna deıingi 215 shaqyrymdyq bóligi paıdalanýǵa berilgen-di. Endi mine, halyqaralyq kólik dáliziniń taǵy bir bóligi – «Aqtóbe – Mártók – Reseı shekarasy» avtomobıl jolynyń qaıta jaraqtandyrylýy aıaqtalyp, paıdalanýǵa berildi. Kúrejoldyń qaıta jańǵyrtý jumystary 2008 jyly «Dorıs» jobalaý kompanııasynyń jobalaý-smetalyq qujattaryn daıyndaýymen bastalyp, 2010 jyly bas merdiger retinde Túrkııanyń «Djengız Inshaat Sanaı Ve Tıdjaret A.Sh.» kompanııasynyń jol qurylysyn júrgizýimen jalǵasty. Jol salý barysynda ýaqyt talabyna saı jobaǵa da birneshe ózgerister engizildi. Sonyń ishinde Mártók selosyna Elek ózeninen ótetin kópirdi aıryqsha atap ótýge bolady. Qaıta jańartýdan keıin joldyń eni bir metrge keńeıtilip, 9 metr boldy. Júktiń bilikke túsetin salmaǵy 14 tonnaǵa deıin arttyrylyp, jol jamylǵysy qurylymy kúsheıtildi. Jalpy uzyndyǵy 891 metr bolatyn 13 kópir jańadan salyndy. Elek ózeni arqyly ótetin kópir men temirjol ótkeline deıingi jol boıy jaryqtandyryldy, joldyń 9,1 shaqyrymy tórt jolaqty, eni 18,5 metr boldy.
«Batys Eýropa – Batys Qytaı» halyqaralyq kólik dáliziniń 2787 shaqyrymy elimizdiń 4,6 mıllıon halqy turatyn bes oblysynyń aýmaǵymen ótedi. Osyndaı úlken jobanyń 628 shaqyrymy Aqtóbe oblysy aýmaǵynda salynýy tıis bolatyn. Sonyń 2011 jyly Qarabutaqtan Qyzylorda oblysynyń shekarasyna deıingi 215 shaqyrymdyq bóligi paıdalanýǵa berilgen-di. Endi mine, halyqaralyq kólik dáliziniń taǵy bir bóligi – «Aqtóbe – Mártók – Reseı shekarasy» avtomobıl jolynyń qaıta jaraqtandyrylýy aıaqtalyp, paıdalanýǵa berildi. Kúrejoldyń qaıta jańǵyrtý jumystary 2008 jyly «Dorıs» jobalaý kompanııasynyń jobalaý-smetalyq qujattaryn daıyndaýymen bastalyp, 2010 jyly bas merdiger retinde Túrkııanyń «Djengız Inshaat Sanaı Ve Tıdjaret A.Sh.» kompanııasynyń jol qurylysyn júrgizýimen jalǵasty. Jol salý barysynda ýaqyt talabyna saı jobaǵa da birneshe ózgerister engizildi. Sonyń ishinde Mártók selosyna Elek ózeninen ótetin kópirdi aıryqsha atap ótýge bolady. Qaıta jańartýdan keıin joldyń eni bir metrge keńeıtilip, 9 metr boldy. Júktiń bilikke túsetin salmaǵy 14 tonnaǵa deıin arttyrylyp, jol jamylǵysy qurylymy kúsheıtildi. Jalpy uzyndyǵy 891 metr bolatyn 13 kópir jańadan salyndy. Elek ózeni arqyly ótetin kópir men temirjol ótkeline deıingi jol boıy jaryqtandyryldy, joldyń 9,1 shaqyrymy tórt jolaqty, eni 18,5 metr boldy.
Mine, Aqtóbeden Reseı shekarasyna deıingi 101 shaqyrym jol bóligin paıdalanýǵa berý jáne Elek ózeninen ótetin kópirdi ashýdyń tuspa-tus kelýi de sondyqtan. «Batys Eýropa – Batys Qytaı» halyqaralyq kólik dáliziniń oblys aýmaǵyndaǵy 101 shaqyrymyn paıdalanýǵa berý jáne jańa kópirdiń ashylýynyń saltanatty rásimine oblys ákiminiń birinshi orynbasary Nurmuhambet Ábdibekov qatysyp, sóz sóıledi.
– Bul oblys úshin óte mańyzdy oqıǵa. Endi alys-jaqyn eldermen, sonyń ishinde irgedegi Reseımen qarym-qatynas burynǵydan da jaqsara túsedi. Júk tasymaly arzandaıdy. Joldyń sapalylyǵy kóliktiń paıdalaný merzimin uzartýǵa yqpal etedi. Sapaly joldyń paıdalanýǵa berilýi oblystyń damýyna serpin berip qana qoımaıdy, tutastaı el ekonomıkasynyń ilgerileýine yqpal etedi. Jol boıynda shaǵyn jáne orta bıznestiń damýyna qolaıly jaǵdaı týady. Jalpy, halyqtyń turmys-tirshiligine oń ózgerister ákeledi, – dedi ol jolshylarǵa quttyqtaý sózin arnaı otyryp.
«Qazavtojol» AQ Aqtóbe oblystyq fılıalynyń dırektory Baǵlan Baımaǵambetov Prezıdent Nursultan Nazarbaevtyń 2008 jylǵy Qazaqstan halqyna Joldaýynda «Biz barlyq ońtústik oblystardy kókteı ótip, Qyzylorda men Aqtóbe arqyly Reseıge shyǵatyn óńirlerdiń ekonomıkasyn jandandyratyn Qazaqstandaǵy eń iri kóliktik jobany qolǵa alýymyz kerek», degen ómirsheń bastamasyn tilge tıek ete kelip, qazir Elbasynyń bul tapsyrmasyn oryndaýdaǵy yjdaǵattylyqty aıqyn ańǵarýǵa bolatynyn atap ótti. Sonyń bir kórinisi myna jańa kópirdiń paıdalanýǵa berilýi arqyly «Batys Eýropa – Batys Qytaı» halyqaralyq kólik dáliziniń bizdiń óńirden ótetin sońǵy 101 shaqyrymynda qatty jamylǵy tóseý jumystarynyń aıaqtalyp, Reseıge baratyn kúrejoldyń qaıta jańartylǵan bóliginiń iske qosylýy ekenin jetkizdi. Bul aqtóbelik jolshylardyń «Nur Otan» HDP HV sezine laıyqty tartýy bolmaq, dep túıindedi oıyn ol.
Onyń aıtýynsha, joldyń osy bóligindegi qurylys jumystarynda tapsyrysshy men bas merdiger, qosalqy merdiger kompanııalar qoıan-qoltyq is-qımyl jasaǵan. Qurylystyń maýsymdyq kezeńderinde jol salýda 1500 adam jumys istegen. Jol qurylysyna túgeldeı qazaqstandyq materıaldar paıdalanylǵan. Basqa óńirlerge qaraǵanda bir aıyrmashylyǵy, jer paıdalanýshylardan jer telimderin satyp alýǵa bólingen 145 mıllıon teńgeniń 88,5 mıllıon teńgesi únemdelip, bıýdjetke qaıtarylǵan. Bul máseleni sheshýde oblys, aýdan ákimderi jer paıdalanýshylarmen túsinik jumystaryn júrgizip, ortaq til tabysýǵa qol jetkizgen. Bul baǵytta «Nur Otan» HDP oblystyq fılıaly da birqatar máselelerdi sheshýge muryndyq bolǵan. Ústimizdegi jyldyń aıaǵyna taman Aqtóbe qalasynyń soltústik aınalma joly iske qosylady dep kútilýde. Sonymen «Batys Eýropa – Batys Qytaı» halyqaralyq transqurlyqtyq kólik dáliziniń Aqtóbe oblysyna qarasty 358 shaqyrym avtokólik jolyn qaıta jańartý jumystary aıaqtalady.
Satybaldy SÁÝIRBAI,
«Egemen Qazaqstan».
Aqtóbe oblysy.
