Qazir jurt buryn astyǵymen, kenimen aty shyqqan Qostanaıdy mashına jasaý ónerkásibimen bile bastady. «AgromashHoldıng» aksıonerlik qoǵamy men «SaryarkaAvtoProm» jaýapkershiligi shekteýli seriktestigi bıyl úshinshi jyl mashınanyń túr-túrin sapqa qoıyp otyr. Munda aýyl sharýashylyǵyna qajetti tehnıkalardan bastap júk mashınalary, júrdek jeńil mashınalar qurastyrylady. О́tken jyly barlyǵy 2000 mashına shyǵaryldy. Al bıyl ol tórt esege kóbeımek. Keler jyly mashına on esege kóp qurastyrylady. Al bes jyldan keıin Qostanaıdan jylyna 75 myń mashına óz ıelerine jol tartatyn bolady. Ázirshe qostanaılyq júrdek mashınalar ishki naryqty qamtamasyz etedi.
Qazir jurt buryn astyǵymen, kenimen aty shyqqan Qostanaıdy mashına jasaý ónerkásibimen bile bastady. «AgromashHoldıng» aksıonerlik qoǵamy men «SaryarkaAvtoProm» jaýapkershiligi shekteýli seriktestigi bıyl úshinshi jyl mashınanyń túr-túrin sapqa qoıyp otyr. Munda aýyl sharýashylyǵyna qajetti tehnıkalardan bastap júk mashınalary, júrdek jeńil mashınalar qurastyrylady. О́tken jyly barlyǵy 2000 mashına shyǵaryldy. Al bıyl ol tórt esege kóbeımek. Keler jyly mashına on esege kóp qurastyrylady. Al bes jyldan keıin Qostanaıdan jylyna 75 myń mashına óz ıelerine jol tartatyn bolady. Ázirshe qostanaılyq júrdek mashınalar ishki naryqty qamtamasyz etedi.
Dál qazir «AgromashHoldıngtiń» atshaptyrym sehynda avtomobılderdi qurastyrý úshin dánekerleıtin, qaptaldaryn boıaıtyn zamanaýı jabdyqtar ornalastyrylýda, olar joǵary tehnologııamen jumys isteıdi. Bul sehta SsangYong júrdek jeńil mashınasynyń Nomad modeli qurastyrylatyn bolady. Jaqynda ǵana sehta bul temir tulpardyń jalǵyz úlgisi paıda boldy. Ony qostanaılyq mashına jasaý zaýytynyń mamandary Ońtústik Koreıadaǵy SsangYong zaýytynan ózderi qurastyryp alyp keldi. Sonymen qatar, bizdiń mamandar men jumysshylar Ońtústik Koreıada oqyp, tájirıbe jınaqtap keldi. Seh osy jyldyń aıaǵynda mashına qurastyrýǵa daıyn bolmaqshy.
Qostanaıdaǵy avtomobıl qurastyrý kásipornyndaǵy shabytty ister elimizdiń ındýstrııa salasyndaǵy jobalardyń úzdiksiz júzege asyrylýyna úles qosady. Eń bastysy, ol respýblıkanyń eksporttyq áleýetin kúsheıtetin bolady.
Názıra JÁRIMBETOVA,
«Egemen Qazaqstan».
