Ulttyq eksporttyq strategııa

Ony ázirleýge bıznes ókilderi de múddeli

Almatyda ulttyq eksporttyq strategııany (UES) talqylaý jónindegi dóńgelek ústel ótti. Bul sharaǵa bıznes-qaýymdastyqtardyń ókilderi men taýar óndirýshiler qatysýǵa múmkindik aldy. Osynaý basqosý «KAZNEX INVEST» eksport jáne ınvestısııalar ulttyq agenttiginiń UES-tyń negizgi ázirleýshisi retinde Qazaqstan qalalarynda ótkizýge josparlanǵan kezdesýler toptamasyndaǵy alǵashqysy dep aıtýǵa bolady.

Ony ázirleýge bıznes ókilderi de múddeli

Almatyda ulttyq eksporttyq strategııany (UES) talqylaý jónindegi dóńgelek ústel ótti. Bul sharaǵa bıznes-qaýymdastyqtardyń ókilderi men taýar óndirýshiler qatysýǵa múmkindik aldy. Osynaý basqosý «KAZNEX INVEST» eksport jáne ınvestısııalar ulttyq agenttiginiń UES-tyń negizgi ázirleýshisi retinde Qazaqstan qalalarynda ótkizýge josparlanǵan kezdesýler toptamasyndaǵy alǵashqysy dep aıtýǵa bolady.

Sonymen «KAZNEX INVEST» memleket­tik organdar men bıznes-qaýymdastyq ókilde­ri­men birlese otyryp, Qazaqstannyń 2020 jyl­ǵa deıingi ulttyq eksporttyq strategııasyn ázirleýge kiristi.

Bul qujattyń qajettiligi Indýstrııa­landyrý kartasyna sáıkes taýarlardyń aýqymdy óndirisiniń kútilip otyrǵanyna baılanysty bolyp otyr. Strategııanyń negizgi maqsaty – eksportty qoldaýdyń jalpyulttyq júıesin qalyptastyrý, onyń nátıjesi shıkizattyq emes eksport úlesiniń artýy, ony geografııalyq jáne taýarlyq ártaraptandyrý bolmaq. Bul ónimniń qosymsha qunyn arttyrýǵa jáne el ekonomıkasynyń ınternasıonaldanýyn arttyrýǵa baǵyttalǵan jańa ındýstrııalandyrý baǵdarlamasynyń (ÚIIDMB) ekinshi bes jyldyǵyndaǵy negizgi basymdyqtarmen ózara tyǵyz baılanysty.

Bıznes-qaýymdastyqty ulttyq eks­port­tyq strategııa jóninde aýqymdy túrde aqparattandyrý úshin «KAZNEX INVEST» agenttigi qalalyq ákimdikterdiń qoldaý kórsetýimen óńirlerde kezdesýler ótki­ze­di. Almatylyq eksporttaýshylarmen ótken dóń­gelek ústel bıznesmenderdiń usy­nys­taryna qulaq asýdy jáne UES-ty ázir­leý kezinde olardy eskerýdi kózdeıtin aqpa­rattyq-pikirtalas jumysynyń basyn bastap berdi.

– Biz Reseı, Qyrǵyzstan, О́zbekstan, Tájik­stan, Ázerbaıjan sekildi TMD elderine eks­porttaımyz. Osy rette Reseıge ónimdi eks­porttaý úlken másele bolyp tabylady, birin­shi kezekte, bul kóp ýaqytty alatyn jáne shyǵyndy qajet etetin akkredıtasııa­men baılanysty qıyndyq. Ekinshi máse­le ­– qarjylandyrý, buǵan reseılik bank­ter yn­­ta­ly emes. Osyǵan baılanysty eks­­port­taý­shylardyń qarjylandyrylýyn kidir­týge bolmaıtyn salalyq qurylymdardy naq­ty belgilep alý qajet. Birinshi kezekte, eks­portqa shyǵatyn, sondaı-aq, respýblıkanyń eko­nomıkasy men IJО́-ge áser etetin kólik qu­ras­tyrý osyndaı salaǵa jatady. Odan qaldy, eks­portshylarǵa salyqtyq jeńildikter men ar­tyqshylyqtardy berý qajet, – dedi «Ala­geum group» JShS bas dırektory Nurjan Ysty­baev.

Atalmysh kólik qurastyrýshy kompanııadan keıin sóz alǵan farmasevtıkalyq kompanııa ókili Valentına Polýkarova:

– Qazirgi tańda bizdiń kompanııa Qyrǵyz­stan, Aýǵanstan naryqtaryna belsendi túrde shy­ǵyp otyr. KAZNEX INVEST-tiń qoldaý kór­se­týimen Aýǵanstan ókilderi Almatyǵa sapar­men kelmek, onyń barysynda biz serik­testerge ózimizdiń ónimimizdi, óndiristik úrdi­simizdi tanystyratyn bolamyz. Sonymen qatar, bizde Reseıdiń farmasevtıkalyq nary­ǵy­na shyǵý boıynsha aıtarlyqtaı úlken jos­pa­­ry­myz bar. Alaıda, búgingi kúni bul qıyn máse­le bolyp otyr. Osyǵan oraı bizdiń ónimi­mizdi jańa naryqtarǵa ilgeriletý boıynsha ser­vıs­tik qoldaý alý qajet dep esepteımiz, – dedi.

Sonymen ulttyq eksporttyq strategııany ázirleý jónindegi saraptaý tobynyń bıznes-qaýymdastyq ókilderimen kezdesýi bıylǵy jyldyń qazan-qarasha aılarynda Shymkent, Oral jáne Pavlodar qalalarynda jalǵasatyn bolady.

Aınash ESALI,

«Egemen Qazaqstan».

ALMATY.