Atap aıtqanda, áleýmettik-mádenı, bilim,densaýlyq, turǵyn úı-kommýnaldyq sharýashylyq jáne ınjenerlik-kóliktik ınfraqurylym obektileri jańǵyrtylady. Atalǵan jobalardy júzege asyrý úshin 1 860 322,5 myń teńge bólingen.
Áleýmettik-mádenı saladaǵy jobalarǵa 316 439,9 myń teńge qarjy qarastyrylsa, bilim salasy jobalaryna 145 480,0 myń teńge bólindi. Máselen, Qaljan ahýn aýylyndaǵy №126 orta mekteptiń sý qubyry men kanalızasııanyń ishki jáne syrtqy jelileri aýystyrylyp,Besaryq aýylyndaǵy №147 orta mektebiniń ǵımaratyna kúrdeli jóndeý júrgizilýde.
Densaýlyq saqtaý salasy boıynsha josparlanǵan jobalardyń jalpy quny 147 151,0 myń teńge quraıdy. Bıyl Tereńózek kentindegi aýdandyq ortalyq aýrýhanasynyń ishki jylytý men sý qubyry, syrtqy sýmen jabdyqtaý jelileri jańǵyrtylady dep josparlanýda.
Jalpy, aýdan boıynsha 427 turǵyn jumyspen qamtylady dep kútilýde, onyń ishinde 215 azamat aýdandyq jumyspen qamtý jáne áleýmettik baǵdarlamalar bólimi arqyly qabyldanýda.
