Ýkraına naryǵy "Qazfosfat" JShS jáne "QazAzot" AQ qazaqstandyq kompanııalary óndiretin tyńaıtqyshtarǵa arnalǵan negizgi ótkizý naryqtarynyń biri bolyp tabylady.
Qazaqstannyń Ýkraınaǵa ortasha jyldyq eksporty shamamen 41 mln AQSh dollaryna 110 myń tonna quraıdy. Mundaı naryqtyń jabylýy otandyq kásiporyndarǵa teris áser etýi múmkin edi.
Tergep-tekserý júrgizýdiń búkil kezeńi ishinde Qazaqstannyń Saýda jáne ıntegrasııa mınıstrligi qazaqstandyq zaýyttardyń múddelerin qorǵap, Ýkraınanyń ýákiletti organymen tyǵyz yntymaqtastyq ornatty.
Qazaqstandyq saýda mınıstrliginiń bastamasymen qazaqstandyq tyńaıtqyshtar úshin kvotalar berý nemese qazaqstandyq taýardy shara qoldanysynan shyǵarý máselesi qarastyryldy.
Sondaı-aq, qazaqstandyq tarap Ýkraınanyń ýákiletti organynyń sheshimin sot tártibimen daýlaý múmkindigin joqqa shyǵarmady.
Júrgizilgen jumystyń nátıjesinde qazaqstandyq kompanııalar dástúrli ótkizý naryǵyna eksportty jalǵastyra alady.
