Aqordada Memlekettik hatshy Marat Tájınniń tóraǵalyǵymen Ǵylym men tehnıka salasyndaǵy Qazaqstan Respýblıkasynyń Memlekettik syılyqtaryn berý jónindegi komıssııanyń qorytyndy otyrysy ótti.
Aqordada Memlekettik hatshy Marat Tájınniń tóraǵalyǵymen Ǵylym men tehnıka salasyndaǵy Qazaqstan Respýblıkasynyń Memlekettik syılyqtaryn berý jónindegi komıssııanyń qorytyndy otyrysy ótti.
Ǵylym men tehnıka salasyndaǵy Memlekettik syılyqtar ǵylym men tehnıka qaıratkerleriniń eńbegin qoǵam men memleket aldynda joǵary baǵalaý bolyp sanalady. Al Qazaqstan Prezıdenti Memlekettik syılyqty Qazaqstannyń azamattaryna elimizdiń ekonomıkalyq jáne áleýmettik damýyn aıtarlyqtaı jedeldetýge, qazaqstandyq ǵylym men tehnıkanyń álemdegi ozyq jetistikter deńgeıine shyǵýyna ákeletin irgeli jáne qoldanbaly zertteýler salasyndaǵy asa úzdik nátıjeleri, qoǵamǵa keńinen tanylǵan bir saladaǵy ǵylymı jańalyqtar, monografııalar men ǵylymı jumystary, sondaı-aq, tehnıkanyń, materıaldar men tehnologııalardyń álemdik analogtary nemese odan joǵary deńgeıdegi jańa túrlerin ázirlegeni jáne óndirýdi uıymdastyrǵany úshin beriledi.
Osyǵan oraı, Memlekettik hatshy Marat Tájın bul otyrysta erejege sáıkes, eńbekterdi taǵy da saraptap, qorytyndy sheshim qabyldaý qajettigin atap ótti. «Buǵan deıin Bilim jáne ǵylym mınıstrligi usynǵan jumystarǵa aldyn ala memlekettik ǵylymı-tehnıkalyq saraptama jasady. Qoǵamdyq talqylaýdan ótkizdi. Komıssııa ǵylym men tehnıka salasyndaǵy Qazaqstan Respýblıkasynyń Memlekettik syılyqtaryn berý týraly Prezıdentke óz usynysyn beredi», dedi Marat Tájın. Memlekettik hatshynyń aıtýynsha, Komıssııanyń sheshimi qupııa daýys berý úderisi arqyly júrgiziledi. Sáıkesinshe, Memlekettik syılyqtar komıssııa músheleriniń 50 paıyzdan tómen emes daýysyn jınaǵan eńbekterge beriledi.
Bul kúngi otyrystyń kún tártibinde eki másele qaraldy. Olardyń birinshisi, 2013 jylǵy Qazaqstannyń Memlekettik syılyqtaryn berý jónindegi konkýrsqa usynylǵan Ǵylym men tehnıka salasyndaǵy eńbekterdi saraptan ótkizý bolsa, ekinshisi, 2013 jylǵy Ǵylym men tehnıka salasyndaǵy Qazaqstan Respýblıkasynyń Memlekettik syılyǵyn berý jóninde sheshim shyǵarý.
Bir atap óterligi, 2013 jylǵy Ǵylym men tehnıka salasyndaǵy Qazaqstannyń Memlekettik syılyqtaryn alýǵa barlyǵy 19 jumys túsipti. Bıylǵy jyldyń 12 maýsymynda bul jumystarǵa memlekettik ǵylymı-tehnıkalyq saraptama jáne saraptamalyq-taldaý baǵalaý júrgizý jóninde otyrys ótkizilip, otyrystyń qorytyndysy boıynsha konkýrsqa odan ári qatysatyn jumystar tizimi iriktelgen eken. Al atalǵan jumystar jónindegi málimetter qoǵamdyq talqylaý úshin BAQ-ta jarııalanypty. Talqylaý kezinde 300-ge jýyq pikir (resenzııalar, hattar, basylymdaǵy jarııalanymdar), sonymen qatar shetel ǵalymdarynan 116 pikir kelip túsipti. Osyǵan oraı, konkýrstyq jumystar usynylǵan pikirler men resenzııalardy eskere otyryp, seksııalyq-saraptamalyq otyrystarda qaralypty.
Komıssııanyń qorytyndy otyrysynda Memleket basshysynyń qaraýyna usynylatyn 3 jumys bekitildi. Al Memlekettik syılyq laýreattaryn marapattaý rásimi Táýelsizdik kúni qarsańynda ótedi.
Láıla EDILQYZY,
«Egemen Qazaqstan».
