Keshe Memleket basshysy Nursultan Nazarbaev Almaty qalasynyń ákimi Ahmetjan Esimovti qabyldady, dep habarlady Prezıdenttiń baspasóz qyzmeti.
A.Esimov Almatynyń toǵyz aıdaǵy áleýmettik-ekonomıkalyq damýy týraly baıandady.
Kezdesý barysynda Qazaqstan Prezıdenti qala ınfraqurylymyn jetildirý jónindegi qyzmetti jalǵastyrý qajettigin atap ótti.
Keshe Memleket basshysy Nursultan Nazarbaev Almaty qalasynyń ákimi Ahmetjan Esimovti qabyldady, dep habarlady Prezıdenttiń baspasóz qyzmeti.
A.Esimov Almatynyń toǵyz aıdaǵy áleýmettik-ekonomıkalyq damýy týraly baıandady.
Kezdesý barysynda Qazaqstan Prezıdenti qala ınfraqurylymyn jetildirý jónindegi qyzmetti jalǵastyrý qajettigin atap ótti.
– Qala ekologııalyq ahýaldy jaqsartý, qoǵamdyq kólikti gazǵa kóshirý, joldardy jóndeý, kólik jolaıryqtary qurylysy jumystaryn júrgizýde. Sondaı-aq, men Almaty tóńireginde aınalma joldar salýdy tapsyrdym. Munyń bári halyqtyń turmysy men qala ekonomıkasyn jaqsartýǵa septigin tıgizedi. Almaty elimizdiń óńirleri arasynda alda keledi, – dedi Nursultan Nazarbaev.
Memleket basshysy Almatyda qala ekonomıkasynyń negizgi salasynyń biri bolýǵa tıis týrızm ındýstrııasyn damytýǵa basa nazar aýdardy.
– Meniń tapsyrmam boıynsha týrızmdi damytý jóninde biraz jumys júrgizilýde, sonyń ishinde Almaty taýlarynyń áleýetin paıdalanyp, shańǵy sportyn damytý mańyzdy oryn alady. Bul jańa jumys oryndaryn ashýǵa da múmkindik beredi, – dedi Elbasy.
Qazaqstan Prezıdenti Velosıpedshilerdiń halyqaralyq odaǵy bastamasymen jaqynda bolyp ótken birinshi velosıpedshiler jarysynyń Almatynyń halyqaralyq tanystyrylymy úshin mańyzy zor bolǵanyn atap ótti. Sondaı-aq, qazirgi kezde 2017 jyly Búkilálemdik qysqy ýnıversıada ótkizýge daıyndyq jasalýda.
– Biz 2022 jyly Almatyda Qysqy Olımpııa oıyndaryn ótkizý úshin ótinish berdik. Mundaı mańyzdy jarysty ótkizý qalada sportty damytýǵa oń áser etip, Almaty arqyly kúlli álemniń elimiz týraly kóbirek bilýine múmkindik berýge tıis, – dedi Nursultan Nazarbaev.
Kezdesýde A.Esimov 9 aıdyń qorytyndysy boıynsha qala tirshiliginiń barlyq salasynda oń qarqyn bar ekenin málimdedi.
– О́tken jyldar ishinde barlyǵy 40 bilim berý nysany, 18 densaýlyq saqtaý nysany salyndy, 1000 shaqyrymnan astam jolǵa jóndeý jumysy júrgizildi, jańadan 214 shaqyrymdyq jol salyndy. Sporttyq jáne mádenı is-sharalar ótkizý úshin paıdalanylatyn sport nysandary da qaıta jóndeldi, – dedi Almaty qalasynyń ákimi.
A.Esimov Memleket basshysynyń tapsyrmasyna sáıkes Almatyny iri týrıstik ortalyq retinde damytý jóninde jumystar júrgizilip jatqanyna toqtaldy.
– Biz Búkilálemdik týrıstik ortalyq basshylyǵymen keńes ótkizdik. Bizge álemniń barlyq elinen qysqy sport túrleri boıynsha mamandar keldi, paıdaly kelissózder ótti jáne olardyń qoldaýymen birqatar is-sharalar ótkizý týraly ýaǵdalastyqqa qol jetkizildi, – dedi Almaty qalasynyń ákimi.
Kezdesý qorytyndysynda Memleket basshysy Almatynyń ınfraqurylymyn odan ári damytý jáne qala turǵyndarynyń ál-aýqatyn arttyrý jóninde birqatar naqty tapsyrmalar berdi.
-----------------------------------------
Sýretti túsirgender
S.BONDARENKO, B.OTARBAEV.
