Bul týraly ol sársenbi kúni Twitter-degi paraqshasynda jazdy.
"Men Túrkistan oblysynda jumys saparymen júrmin. Sardoba sý qoımasynyń buzylýynan keıingi qalpyna keltirý jumystarymen, oblystaǵy kanaldardyń qurylysymen jáne jóndeýimen tanystym", dep jazdy M.Myrzaǵalıev.
"О́ńirde sýarmaly jerlerdiń aýmaǵyn ulǵaıtý boıynsha oblys boıynsha 536 myń ga qarqyndy jumystar júrgizilýde, onyń ishinde 21 myń ga qalpyna keltirilýge jatady. Osy maqsatta jalpy uzyndyǵy 736 km jańa arnalardy, barlyǵy 122 arnany qalpyna keltirý jáne salý boıynsha aýqymdy jumystar júrgizilýde. Bul jumystarǵa 1500-den astam jumysshy jumyldyryldy, qosymsha myńdaǵan jumys orny ashylady", - dedi mınıstr.
Sondaı-aq, mınıstr "bul strategııalyq mindet, ony júzege asyrý qorytyndysy boıynsha aýyl sharýashylyǵy taýaryn óndirýshiler sýmen qamtamasyz etiledi, sonyń saldarynan oblysta ósiriletin aýyl sharýashylyǵy ónimderiniń kólemi artady, aýyl turǵyndary turaqty jumyspen qamtamasyz etiledi, jeke jemis - kókónis ónimderi boıynsha eldiń ımportqa táýeldiligi tómendeıdi jáne t.b.", - dep atap ótti.
