Ońtústik Qazaqstan oblysynyń bir turǵyny ózimen Internet arqyly tanysqan kelinshekti pyshaqtap óltirdi. Bul týraly «Ekspress-K» gazeti jazdy.
Bul eki ǵashyq bir-birin ǵalamtordyń shyrmaýyǵyn sharlap otyryp tapqan sekildi. Sodan lap etip, birden Láıli men Májnúnniń mahabbaty bastalypı ketken. Kóne jyrdyń jelisinen aıyrmashylyǵy, bular bir-birimen kóp uzamaı kezdesip, birinsiz biri ómir súre almaıtyndaı dárejege jetipti-mis.
Munyń bári – jigittiń baıany. Shyndyǵy qalaı bolǵany bir Allaǵa ǵana aıan. Qylmysker jigittiń qıssasyna qaraǵanda, ol ǵashyǵyn kúıeýin (!!! – jaǵymsyz keıipker retinde onyń da osy oqıǵanyń bir shetinde bolǵany ǵoı! ) tastap kete almaıtyn bolǵandyqtan ǵana óltirgen.
Sottalýshy qazir basynda ekeýi birge ólmekshi bolǵanyn aıtady. Sol kelisim boıynsha, ol aldymen kelinshektiń keýdesine pyshaq urady. Sosyn tamaǵynan tartyp jiberedi. Iаǵnı, malsha baýyzdaıdy. Artynan pyshaqtyń ushyn ózine qaraı silteıdi. Biraq qoly qatty batpaǵan sııaqty. Qaıtalap urýǵa janyn qımaıdy.
Bul qanypezer taıaý kúnderde sottyń úkimimen 9 jylǵa bas bostandyǵynan aıryldy.
Sultan Bozaıǵyr.
