Ataqty Brazılııa fýtbolshysy Peleni óz nemereleri sotqa berdi. Bul týraly RIA «Novostı» habarlady.
«Diario de Sao Paulo» gazetiniń málimeti boıynsha, sotqa shaǵymdanǵan Peleniń 2006 jyly qaıtys bolǵan Sandra Regına esimdi qyzynyń 13 pen 15 jasar uldary bolyp shyqty.
Aryz boıynsha ataqty fýtbolshynyń nemereleri Oktavıo men Gabrıel medısınalyq saqtandyrý men oqý tólemi úshin atasynan árqaısysyna 6 myń dollar ótemaqy tóleýin talap etken. Olardyń qorǵaýshysy Klaýdıo Forssel Pele nemerelerimen kezdesýden bas tartqanyn jáne olardy sońǵy ret 2011 jyly kórgenin málimdedi. Sondaı-aq fýtbol karoli nekesiz týylǵan qyzy Sandra Regınaǵa jiti kóńil bólmegen kórinedi. Bul jóninde qyzy óziniń «Koroldiń qalamaǵan qyzy» atty kitabynda ashyq jazǵan.
Aıdar О́risbaev.
