BUU Qaýipsizdik keńesi Aýǵanstan aýmaǵyndaǵy NATO kúshteriniń mandatyn sońǵy ret uzartty. Bul týraly ITAR-TASS habarlady.
Mandat Aýǵanstandaǵy qaýipsizdik máselesi tolyǵymen osy eldiń baqylaýyna alynǵan ýaqytta, ıaǵnı 2014 jyldyń 31 jeltoqsanynda kúshin joıady. Halyqaralyq kúshter dál osy ýaqytqa deıin Aýǵanstan aýmaǵyn tolyǵymen bosatýy tıis.
Biraýyzdan qabyldanǵan qararda Aýǵanstandaǵy jaǵdaıdyń áli de halyqaralyq qaýipsizdik pen beıbitshilikke qaýip tóndirip turǵany eskerildi. Sondaı-aq mundaǵy «Talıban», «Al-Kaıda» jáne ózge de ekstremıstik uıymdardyń asa belsendiligi nazarǵa alyndy.
Aıdar О́risbaev.
