• 11 Qazan, 2013

Fýtbol. Farer araldary – Qazaqstan 1:1

366 ret

kórsetildi

4 mın

oqý úshin

Egemen Qazaqstan

11-10-12-futbol-farer-kazakhstan-1

Búgin, 10 qazan kúni túnde Farer araldarynyń ákimshilik ortalyǵy – Torshavn qalasynda Qazaqstan quramasy 2014 jyly Brazılııada ótetin álem chempıonatynyń irikteý týrnırinde jergilikti qurama komandamen kezdesip, 1:1 esebimen teń tústi. Bul týraly Egemennews.kz tilshisi habarlady. Aldymen Farer araldary degen qandaı el, áńgimeni sodan bastaıyq. Shynyn aıtqanda, bul – jeke táýelsiz derbes memleket emes. Ol – Danııa memleketiniń quramdas bir bóligi. Aral 1380 jyldan Danııa koroldyǵynyń quramynda keledi. Al 1948 jyldan Danııanyń avtonomııalyq oblysy bolyp tabylady. Halqynyń sany - 48 myń adam. Bul bizdegi eń shaǵyn aýdandardyń halqymen birdeı. О́tken joly biz Atlant muhıtynyń soltústik-shyǵys bóliginde, Norveg teńizinde ornalasqan, janartaýlardyń atqylaýynan paıda bolǵan bul araldar tobyn Shymkenttiń túbindegi 45 myń halqy Qarabulaq aýylymen salystyrǵan edik. Bul jerge bir zamandarda tústiktegi vıkıngterdiń bir tarmaǵy – ıslandtar kelip, osynda máńgi qalyp qoıǵan. Qandyq jáne tildik jaǵynan ıslandtar men dattar bir aǵashtyń eki butaǵy sııaqty. Ekeýiniń túbiri bir. Tilderi de birdeı esepti. Bul jaǵynan olar vaınahtyń eki tarmaǵy – sheshender men ıngýshtarǵa qatty uqsaıdy. Bolmasa, tildik jaǵynan da, genetıkalyq jaǵynan da túbi bir halyq bolyp keletin qazaq pen noǵaı sekildi. Qazaqtyń bir qanaty bolyp tabylatyn sol noǵaılarda qazir «Qazaq, noǵaı – bir adam» degen maqal bar. Endi oıynǵa keleıik. Komandalar alańǵa myna quramdarda shyqty: Farer - Nılsen, Nes, Traýst-Davıdsen, Baldvınsson, Davıdsen, Ýdsen, Benıamınsen, Hansson, Iýstınýssen, Lamhaýge-Holst, Edmýndsson (Kletskar, 75). Qazaqstan - Sıdelnıkov, Gýrman, Mýldarov (Logvınenko, 79), Kıslısyn, Engel, Korobkın, Bogdanov, Fınonchenko (Shetkın, 90), Shomko, Jumasqalıev (Baıjanov, 64), Hıjnıchenko. Kezdesýdiń bas jaǵy alma-kezek shabýylmen ótti. Biraq alań ıeleri birtindep tizgindi ózderine qaraı tarta bastady. Sonyń yńǵaıynda olar qaqpaǵa da kóbirek jáne qaýiptirek soqqylardy jasaýǵa kóshti. Buryshtama aıyp dobyn da solar uryp jatty. Al bizdiń jigitter aıyp alańynan asyryp dop shyǵarǵannan artyqqa bara almady. Bizdiń naǵyz kásipqoı fýtbolshylarǵa qaraǵanda, jartylaı kásipqoı jáne áýesqoı oıynshylardan quralǵan komanda osylaı alań ústinde ústemdik kórsetýge kiristi. Sondaı shabýyldardyń birinde, matchtyń 41-mınýtynda Hallıýr Hansson esep ashyp ketti. Kezdesýdiń ekinshi taımy da alań ıeleriniń shabýylymen bastaldy. Jetisaıdyń «Maqtaaralyndaı» ǵana komanda bizdiń jigitterdiń apshysyn qýyrýyn jalǵastyra berdi. Sodan keıin ǵana qazaqstandyqtar óz-ózderine kelip, birtindep alǵa shyǵýdy údetti. Bular joryqtardyń arasynda qaýiptileri de kóbeıe tústi. Aqyry qonaqtar osy shabýyldardan nátıje shyǵara aldy. Qaqpa aldyndaǵy kezekti qarbalas sátte dopqa birinshi bolyp Alekseı Moldarov jetti. Biraq onyń soqqysy durys shyqpady. Sosyn onyń aıaǵynan ushqan dopqa Andreı Fınonchenko basyn tóseı saldy. Ol baryp ashyq qaqpaǵa gúmp etti. Gol! Esep 54-mınýtta osylaı teńesti. Qonaqtar budan keıin de birshama shabýyldar uıymdastyrdy. Biraq onyń jalyny kóp uzamaı basylyp qalǵandaı boldy. Sony paıdalanǵan alań ıeleri taǵy da alǵa umtyldy. Munyń nátıjesi – qaqpaǵa qaýipti sátter taǵy da kóbeıdi. Sonyń birer sátinde birese Andreı Sıdelnıkov ábjildik tanytsa, birese qorǵaýshylar qaýip bultyn seıiltip turdy. Kezdesýdiń sońǵy jaǵynda farerlikter tipti órshelenip ketti. Olar birneshe ret shyn máninde de qaýipti sátter týǵyzdy. Biraq, abyroı bolǵanda, olardyń barlyǵyn qaıtaryp turdyq. Alańdaǵy tóreshiniń ysqyryǵy alań ıeleriniń osyndaı shabýyly júrip jatqan kezde estildi. Bizdiń quramanyń oıyny kóńilden shyqqan joq. Damır Qojamqul. Qazirge deıin myna quralamalar arasyndaǵy oıyndar aıaqtaldy: Horvatııa – Belgııa 1:2 Armenııa – Bolgarııa 2:1 Ázerbaıjan – Soltústik Irlandııa 2:0 Lıtva – Latvııa 2:0 Moldova – San-Marıno 3:0