Soltústik Qazaqstan oblysynda jaǵdaı tolyq baqylaýda

Ras, qazir halyq pandemııaǵa qatty alańdaýly. Oblys ákimdiginiń saıty men meniń jeke paraqshama kún saıyn ondaǵan suraqtar túsip jatyr. Saýaldardyń kópshiligine ótken aptada ınstagramdaǵy tikeleı efırde jaýap berdim. Búgingi brıfıngte turǵyndar men jýrnalısterden sońǵy 3–4 kúnde túsken saýaldarǵa jaýap bereıin, deı kelip, odan ári Qumar Aqsaqalov jaman indettiń oblystaǵy búgingi taralymyna toqtaldy. 8 shildedegi málimetke qaraǵanda qazir 1 446 oqıǵa tirkeldi. Sonyń ishinde 480 adam aýrýdyń sımptomdy túrimen, al 67 prosenti sıptomsyz túrimen naýqastanǵan. О́tken táýlikte naýqastanǵandar sany – 1,9 prosentke ósti nemese bul 28 adam, onyń 19-y sımptomdy, 9-y sımptomsyz.

Infeksııalyq stasıonarlarda qazir 136 adam emdelip jatyr. 545 adam emdelip shyqty.

Medısınalyq qyzmetkerlerge eńbekaqy qalaı tólenýde degen suraqqa ákim olardyń eńbekterin joǵary baǵalaıtynyn jáne olarǵa óziniń rızashylyǵyn jetkizdi. Búgingi tańda Prezıdenttiń atynan 15 dárigerge joǵary memlekettik nagradalar tapsyryldy. Al eńbekaqy jóninde aıtatyn bolsaq, barlyq ınfeksııalyq, provızorlyq stasıonarlardyń, sondaı-aq jedel járdem qyzmetkerlerine, qabyldaý bólmelerindegi fıltrlerde isteıtinderge aı saıynǵy ústeme aqy Densaýlyq saqtaý mınıstriniń 2020 jyldyń 4 sáýirindegi buıryǵyna sáıkes tólenedi. Barlyq medısına qyzmetkerleri táýekeldiligi boıynsha 3 topqa bólingen, sonyń ishindegi birinshi topta 184 adam bar. Osyndaǵy árbir dárigerdiń negizgi eńbekaqysyna 120 myńnan bastap 825 myń teńgege deıin istegen ýaqyttaryna sáıkes tólenedi. Ekinshi toptaǵy táýekeldegilerge 425 myń teńgege deıin tólenedi. Mundaılar SQO-da - 258 adam. Al úshinshi toptaǵylardyń sany  744 adam, olardyń árqaısyna qosymsha 225 myń teńgege deıin tólenedi. Osylaısha biz naýryz aıynda 48,6., sáýirde 161,2 mln., mamyrda 150,3. jáne maýsymda 209,8 mln teńge qosymsha aqy tóledik. 

Medısına qyzmetkerlerine arnalǵan jeke qorǵanysh quraldary jetkilikti, aldaǵy 2 aptaǵa da  jetedi, naqty aıtsaq bir rettik betperde – 338 myń dana, qorǵanysh kástóm – 4 myń, qolǵap – 596 myń dana, antıseptık – 9 tonna bar. Bólshek saýda jasaıtyn dárihanalar jelisinde betperde men antıseptık tapshylyǵy joq. Qazirgi ýaqytta suranystyń artýyna baılanysty Birinshi qalalyq aýrýhana, Oblystyq ftızıopýlmonologııa ortalyǵy jáne M.Jumabaev, Ǵ.Músirepov aýdandarynda pasıentterge arnalǵan tósek-oryn sanyn 65-ten 435-ke deıin kóbeıttik. Provızorlyq stasıonarlardaǵy oryndar 100-den 905-ke deıin arttyryldy, sonyń ishinde oblystyq aýrýhanada 200, qalalyq aýrýhanada 110, Qyzyljar aýdandyq aýrýhanasynda 120-ǵa deıin qosymsha oryndar ashyldy. Basqa aýdandarda oryndy kóbeıtý qolǵa alynǵan.

Karantın saldarynan ýaqytsha jumyssyz qalǵandardy jumysqa ornalastyrý boıynsha 3 shilde kúni bos qyzmet oryndarynyń jármeńkesi ótip, oǵan 29 kásiporyn men 280 adam qatysty. 103 adam jumysqa turý úshin qujattar jınap jatyr. Búgin saǵat 16.00-de Pogodın atyndaǵy teatrda ekinshi ret jármeńke ótkiziledi.

Sóziniń sońyn Qumar Irgebaıuly SQO jaman indettiń taralýy tolyq baqylaýda ekenine halyqty sendire kelip, "degenmen «Saqtyqta qorlyq joq» degen jaqsy sóz bar ǵoı. О́zimiz de saqtanyp júreıik aǵaıyn", dep aıaqtady.