Karantın saldarynan eldegi meıramhanalar men ashanalardyń úshten biri jabylyp qalýy múmkin. Bul týraly Qazaqstan restoratorlar qaýymdastyǵynyń prezıdenti Gúlnár Qatybaeva málimdedi.
Mamannyń aıtýynsha, keıbir mekemelerdiń karantınde jumys isteýge ruqsaty bolmasa da, ashyq tur. Qazirdiń ózinde tamaqtaný jáne kóńil kóterý oryndarynyń 30 paıyzy zańsyz jumys isteýde.
Meıramhanalardyń karantındegi tabysy shyǵynnyń jartysyn da jappaıdy. Buryn olar taýar aınalymynyń 70 paıyzyn ǵana kórsetse, qazir bul da bolmaýy múmkin. Iаǵnı ashanalardyń kópshiligi ne jabylady nemese kóleńkeli naryqqa ketedi.
