Medısına • 09 Shilde, 2020

Soltústikte jasandy dári-dármek satýdyń faktisi anyqtaldy

15 ret kórsetildi

Petropavl qalasyndaǵy dárihanalardyń biriniń aınalymynan emdik preparattardyń bir myń bes júzge jýyq danasy alyndy. Ol Esirtki qylmysyna qarsy is-qımyl bóliminiń qyzmetkerlerimen dárihana mekemelerine monıtorıng júrgizý barysynda anyqtaldy, dep habarlaıdy Egemen.kz

Jasalýy kúmándi preparattardyń 458 qoraby "Parasetamol" men 83 danasy "Aspırın". Shyǵarylýyn rastaıtyn qujattary joq bolǵan soń osy ónimniń barlyǵy Medısınalyq jáne farmasevtıkalyq qyzmetti baqylaý komıtetiniń SQO boıynsha departamentine tapsyryldy. Atalǵan mekemeniń qyzmetkerlerimen zańnamamen belgilengen sharalar qabyldanyp, alynǵan ónimniń keıingi taǵdyry belgili bolady.

Qazirgi ýaqytta polısııa qyzmetkerleri jáne basqa da ýákiletti organdardyń ókilderi dári-dármekterdiń baǵasyn negizsiz kóterý jáne olardy zańsyz satýǵa baılanysty faktilerdi anyqtaý boıynsha is-sharalar júrgizip jatyr. Monıtorıngileý barysynda SQO Polısııa departamenti Esirtki qylmysyna qarsy is-qımyl basqarmasynyń qyzmetkerleri SQO boıynsha Ekonomıkalyq tergeý departamenti qyzmetkerlerimen birlese otyryp Petropavl dárihanalarynyń birinde "Aspırın Kardıonyń" qymbat baǵamen satylyp jatqanyn da anyqtady. Osyndaı fakti jaqynda taǵy bir dárihanada da anyqtalǵan bolatyn, onda vırýsqa qarsy "Ingavırın" preparatyn jáne "Azıtromısın" antıbıotıgin qymbat baǵamen saýdalaǵan.

"Bizdiń maqsatymyz – halyqtyń qaýipsizdigin qamtamasyz etý. Júrgizilip jatqan profılaktıkalyq, monıtorıngtik is-sharalar, eń aldymen, azamattardyń quqyqtary men múddelerin qorǵaýǵa baǵyttalǵan. Dári-dármekti zańsyz satýdyń barlyq faktileri, sondaı-aq dárini qymbat satý faktisi boıynsha da polısııaǵa júginý qajet. Barlyq faktiler boıynsha tekseris júrgizilip, tıisti sharalar qabyldanady", dep atap ótti SQO Polısııa departamentiniń bastyǵy polısııa polkovnıgi Marat Tólebaev.

 

Soltústik Qazaqstan oblysy

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar